डडेल्धुरा– डडेल्धुराको अजयमेरु गाउँपालिका– ६ मा रहेको पृथ्वी प्राथमिक विद्यालय दुई जना शिक्षकको भरमा छ। ९२ विद्यार्थी रहेको सो विद्यालय २०६२ सालमा स्थापना भएको हो। सम्बन्धित पक्षको ध्यान नपुग्दा सो विद्यालयको अवस्था दयनीय बन्न पुगेको छ।
उक्त विद्यालय सेवा क्षेत्र भित्रका अभिभावकहरुको सक्रियतामा तकालीन जिल्ला शिक्षा कार्यालय, डडेलधुरावाट अनुदानप्राप्त दुई कोठे भवनबाट सुरु भएको थियो। अभिभावकको सक्रियतामा २ कोठालाई ४ कोठे भवन बनाएर पठनपाठन सुरु गरिएको विद्यालय व्यवस्थापन समितिका अध्यक्ष करनसिंह विष्टले जानकारी दिए।
सरकारले निःशुल्क शिक्षाको अवधारणा ल्याएको भए पनि उक्त विद्यालयमा शिक्षक दरबन्दी अभावका कारण अभिभावकहरुले चन्दा उठाएर शिक्षक भर्ना गरी तलब खुवाउनुपर्ने अवस्था रहेको स्थानीय शेरसिंह भण्डारीले बताए। ‘तीन तहको सरकार गठन भयो, सिंहदरबारको अधिकार गाउँ–गाउँमा आयो तर शैक्षिक सुधारका लागि जनप्रतिनिधिले के गरे?’ भण्डारीले प्रश्न गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
