सप्तरी : पोखरीमा डुबेकी एक बालिकाको मृत्यु, अर्काको अवस्था चिन्ताजनक

समाज

नेपाल लाइभ मंगलबार, असोज ७, २०७६ ११:०९

राजविराज- सप्तरीको तिलाठी कोइलाडी गाउँपालिकास्थित एक सार्वजनिक पोखरीमा डुबेका दुईमध्ये एक बालिकाको मृत्यु भएको छ।

वडा नं ६ को मधेपुरास्थित सार्वजनिक पोखरीमा डुबेर पञ्चदेव मण्डलकी छोरी ५ वर्षीया सरिताको मृत्यु भएको हो। सरितासँगै पोखरीमा डुबेकी छिमेकी दशरथ मण्डलकी ५ वर्षीया छोरी रुपालीको अवस्था चिन्ताजनक छ।

घर नजिकै खेलिरहेका दुवै बालिका घरबाट पश्चिमतर्फ करिब १ सय मिटरको दूरीमा रहेको पोखरी पुगेका थिए। सोमबार दिउँसो करिब साढे ३ बजे उनीहरु पोखरीमा डुबेको स्थानीयले जानकारी दिए।

छिमेकीहरुले दुवै बालिकालाई तत्कालै उद्दार गरी उपचारका लागि राजविराजस्थित गजेन्द्रनारायण सिंह सगरमाथा अस्पतालमा भर्ना गराएका थिए। उपचारकै क्रममा सरिताको मृत्यु भएको जिल्ला प्रहरी कार्यालय सप्तरीका एसपी कृष्ण प्रसाईंले जानकारी दिए। उनको शव पोष्टमार्टमका लागि सोही अस्पतालमा राखिएको छ।

अर्की बालिकाको राजविराजमा उपचार हुन नसकेपछि सुनसरीको धरानस्थित बिपी कोइराला स्वास्थ्य विज्ञान प्रतिष्ठान हुँदै मोरङको विराटनगरस्थित विराट मेडिकल केलज एन्ड हस्पिटलमा उपचार भइरहेको एसपी प्रसाईंले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राष्ट्रपति ट्रम्पको खाडी मुलुकहरूतर्फ ऐतिहासिक भ्रमण

उपसभामुख राना बङ्गलादेश प्रस्थान

क्यानडाको श्रम बजारमा सुस्तता, बेरोजगारी दरमा निरन्तर वृद्धि