काठमाडौं- शनिबार नेपागञ्जबाट काठमाडौं आउन लागेको बुद्ध एयरको विमानमा संस्कृति पर्यटन तथा नागरिक उड्डयनमन्त्री योगेश भट्टराईमाथि भएको दुर्व्यवहारप्रति वायुसेवा सञ्चालक संघले आफ्नो ध्यानाकर्षण भएको जनाएको छ।
संघले आइतबार विज्ञप्ति जारी गर्दै यात्रुबाट अभद्र व्यवहार भएको समाचारप्रति ध्यानाकर्षण भएको जनाएको हो।
दिनभरको कार्यक्रमका कारण मन्त्री विमानस्थल आइपुग्न केही ढिला भएका कारण उनीमाथि अभद्र व्यवहार हुनु दूर्भाग्यपूर्ण भएको संघले ठहर गरेको छ।
संघले उडान सुरक्षा तथा हवाई सुरक्षा कायम राख्य यात्रुहरुलाई अनुरोध समेत गरेको छ।
‘अन्तर्राष्ट्रिय मूल्यमान्यता तथा मुलुककै नागरिक उड्डयन सुरक्षा नियमावलीमा समेत यस विषयलाई समेटेको र यसको प्रतिकुल हुने व्यवहार नियन्त्रण गर्न कानुनी व्यवस्था रहेको व्यहोरा सम्पूर्ण यात्रु महानुभावमा अवगट गराउन चाहन्छौं,’ संघद्वारा जारी विज्ञप्तिमा उल्लेख छ।
संघले विमान भित्र सौहार्दपूर्ण व्यवहार कायम राख्न सबैलाई अनुसाशित हुन आग्रह समेत गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767770856.png)
-1764146706.png)
