स्नातकोत्तर तहमा अंग्रेजी साहित्य विषयमा पोखरा विश्वविद्यालयबाट सर्वोकृष्ट नविना अधिकारी राष्ट्रपतिबाट सम्मान ग्रहण गर्दै।
काठमाडौं- यस वर्षको नेपाल विद्याभुषण 'क' पदकबाट २ सय ३१ जना सुशोभित भएका छन्। देश तथा विदेशका विश्वविद्यालयबाट विद्यावारिधि गरेकालाई राष्ट्रपति भण्डारीले आइतबार उक्त पदकबाट सम्मान गरेकी हुन्।
यस्तै ‘ख’ श्रेणीको नेपाल विद्याभूषण पदक १ सय १ जनाले प्राप्त गरे। यस्तै ‘ग’श्रेणीको नेपाल विद्याभूषण पदकबाट ११, विभिन्न तहमा उत्कृष्ट छात्राले पाउने नेपाल छात्रा विद्याभूषण पदकबाट ३० छात्रा पुरस्कृत भएका छन्।
पदक प्राप्त गर्नेहरुलाई राष्ट्रपति विद्या भण्डारीले विशेष समारोहकाबीच शीतल निवासमा विभुषित गरिन्।
शिक्षा, विज्ञान तथा प्रविधि मन्त्रालयका सचिव महेशप्रसाद दाहालका अनुसार यो वर्ष कूल ३७४ जनाले पदक प्राप्त गरेका छन्।
चालिसौँ राष्ट्रिय शिक्षा दिवस तथा अन्तर्राष्ट्रिय साक्षरता दिवसका अवसरमा शिक्षा, विज्ञान तथा प्रविधि मन्त्रालयले आज राष्ट्रपति भवन शीतल निवासमा पदक वितरण समारोहको आयोजना गरेको थियो।
नेपालमा विसं २०३१ देखि शिक्षा दिवस मनाउन थालिएको हो। यस वर्षको शिक्षा दिवसको आदर्श वाक्य ‘हामी सबैको प्रण : सार्वजनिक शिक्षा प्रणालीको सवलीकरण’ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
