डडेल्धुरा– सहिद भीमदत्त पन्तको ६६औं स्मृति दिवस आज विभिन्न कार्यक्रम गरी मनाइएको छ।
सहिद भीमदत्तको स्मृति दिवसको अवसरमा शुक्रबार डडेल्धुरा सदमुकाम बागबजारस्थित पन्तको शालिकमा माल्यार्पण गरिएको छ। यस्तै साँझ ७ बजे दीप प्रज्वलन गर्ने कार्यक्रम रहेको भीमदत्त स्मृति प्रतिष्ठानका सचिव वीरेन्द्र बस्नेतले जानकारी दिए।
पुराना किसान नेता भीमदत्तलाई राज्यले निकै पछिमात्र सहिद घोषणा गरेको हो। सरकारले पन्तलाई २०७२ फागुन १९ गते सहिद घोषणा गरेको थियो।
१९८३ मंसिर १० गते डडेल्धुराको कारीगाउँमा जन्मेका भीमदत्त पन्तले ‘कि त जोत हलो, कि त छोड थलो, यदि हैन भने अब छैन भलो’ भन्ने नाराका साथ जोताहा किसानका पक्षमा वकालत गरेका थिए।
उत्तरप्रदेश भारतको सिन्हाईबाट संस्कृत बिषयमा हाईस्कुलसम्मको अध्ययन गरेका पन्तलाई गीता र माक्र्सवादको राम्रो ज्ञान थियो। यसले नै उनमा राजनीतिक स्वभाव बढायो। सामन्ती संस्कारका विरुद्ध आफ्नै घरबाट विद्रोह गर्ने पहिलो व्यक्ति पनि भीमदत्त पन्त नै थिए।
अन्याय सामाजिक भेदभाव सहन नसक्ने भीमदत्त पन्तले २००७ सालदेखि आन्दोलनको सुरुवात गरेका थिए।
गरिब, दलित, जनजाति किसानहरुलाई संगठित गरी राणा विरोधी आन्दोलनमा समेत भीमदत्त पन्तको ठूलो भूमिका रहृयो।
गरिबहरु संगठित हुनुपर्छ। अन्न खेर फाल्नु हुँदैन। उत्पादन बढाउनुपर्छ। अनावश्यक खर्च घटाउनु पर्छ। प्रकृति बिग्रने काम गर्नु हुँदैन भन्ने जस्ता कुरामा पनि भीमदत्तले सचेतना अभियान चलाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767767967-1767943260.png)
-1764146706.png)
