यस वर्षकाे 'युगकवि सिद्धिचरण पुरस्कार' आख्यानकार गौतमलाई

साहित्य डबली

नेपाल लाइभ बुधबार, वैशाख १८, २०७६ ०७:०७

काठमाडौं- युगकवि सिद्धिचरण प्रतिष्ठानले आख्यानकार डा ध्रुवचन्द्र गौतमलाई यस वर्षको ‘युगकवि सिद्धिचरण पुरस्कार-२०७६’ प्रदान गर्ने निर्णय गरेको छ।

प्रतिष्ठानका अध्यक्ष बैरागी काइँलाको अध्यक्षतामा मंगलबार बसेको बैठकले आधा शताब्दीभन्दा अघिदेखि नेपाली वाङ्मयमा विशेष गरी आख्यान विधामा महत्वपूर्ण योगदान दिइरहेका गौतमलाई १ लाख रुपैयाँ राशिको पुरस्कार प्रदान गर्ने निर्णय गरेको हो। गौतमका दुई दर्जन बढी उपन्याससहित ५० भन्दा धेरै कृति प्रकाशित छन्।

यसैगरी प्रतिष्ठानले यस वर्षको ‘युगकवि सिद्धिचरण पत्रकारिता पुरस्कार–२०७६’ आधा शताब्दी अघिदेखि पत्रकारिता क्षेत्रमा उल्लेखनीय योगदान पुर्‍याउँदै आएका वरिष्ठ पत्रकार होमनाथ दाहाललाई प्रदान गर्ने निर्णय गरेको छ। पुरस्कारको राशि ५१ हजार रुपैयाँ छ।

पुरस्कार पाउने प्रतिभा चयनका लागि प्रतिष्ठानका उपाध्यक्ष पुरुषोत्तम बस्नेतको संयोजकत्वमा प्रा डा उषा ठाकुर र सूर्यबहादुर सेन सदस्य रहेकाे पुरस्कार छनाेट उपसमिति गठन गरिएको थियो। पुरस्कार युगकवि सिद्धिचरण श्रेष्ठको १०८औँ जन्म जयन्तीको अवसरमा आगामी जेठ ९ गते प्रदान गरिने प्रतिष्ठानका संरक्षक रविचरण श्रेष्ठले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कांग्रेसको पदाधिकारी बैठक बूढानीलकण्ठमा जारी

फेरि फुट्यो नेसपा, गंगा श्रेष्ठको समूह आज माओवादीसँग एकता गर्दै