ब्लड क्यान्सरबाट पीडित ३ वर्षीय बालकको स्वास्थ्य उपचार सहयोगार्थ भदौ २४ गते शनिवार दरबारमार्गस्थित क्लब डेजाभू मा ‘रनवे परेड–२०१७ शो आयोजना हुने भएको छ ।
यशराज गराचको कोरियोग्राफी रहने फेसन शोमा स्थापित फेसन डिजाइनहरु राशि कोइराला, लजिमा सुब्बा नाल्बो, कुमारी तामाङ, प्रमिता श्रेष्ठ, डिना गुरुङ, पेमा याङ्गी शेर्पा, श्वेता थापा, ओसिन थापा, छिरिङ शेर्पा तथा कमल मानन्धरले तयार पारेका पहिरनहरूमा मोडलहरूले र्याम्प वाक गर्ने जानकारी शुक।रबार आयोजकले गरेको पत्रकार सम्मेलनमा दिइयो ।
१६ जना महिला तथा ११ जना पुरुष मोडलहरुले पहिरन प्रदर्शन गर्ने उक्त फेसन शोमा लोकप्रिय कलाकारहरुले सो स्टपर हुने जानकारी शो अवसरमा दिइयो । आयोजक संस्थाकी विजया शाहका अनुसार वर्षा राउत, अशिष्मा नकर्मी, चाँदनी शर्मा, सिर्जना रेग्मी, एनी कुँवर, ओशिन सिटौला, करिश्मा श्रेष्ठ, रिश्ता बस्नेत, सलोन बस्नेत, नीराजन प्रधान, दिक्पाल कार्की, प्रदीप बास्तोला, आमेश भण्डारी, सञ्जोग कोइराला, मिस्टर नेपाल–२०१७ अक्षय रायमाझी तथा बक्सिङ खेलाडी म्याक्स बस्नेत र फुटबल खेलाडी अञ्जन विष्टले क्याटवाक गर्नेछन् ।
टच इन्टरटेन्मेन्ट तथा स्पर्श फिल्म्सले आयोजना हुने फेसन शोमा कमल खत्री र सुवानी मोक्तानले लाइभ कन्सर्ट दिनेछन् भने नरेश विर सिंह तथा उनको समुहले नृत्य प्रस्तुत गर्नेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
