काठमाडौं — नेपालका लागि होन्डा कारको आधिकारिक वितरक स्याकार ट्रेडिङ कम्पनी प्रालि र एनआईसी एशिया बैंकबीच होन्डाका ग्राहकलाई सहुलियतपूर्ण अटो लोन उपलब्ध गराउने सम्झौता भएको छ। सम्झौताअनुसार एनआईसी एशिया बैंकले होन्डाका ग्राहकलाई आकर्षक तथा प्रतिस्पर्धी ब्याजदरमा सवारी कर्जा उपलब्ध गराउनेछ। आवश्यक सम्पूर्ण कागजात बुझाएपछि ६ कार्यदिनभित्र ऋण प्रक्रिया पूरा गर्ने प्रतिबद्धता बैंकले जनाएको छ।
यो वित्तीय सुविधा होन्डाका सीआर–भी, सिटी ईःएचईभी, फिफ्थ जेनेरेसन सिटी र एलीभेट लगायतका मोडल खरिद गर्न चाहने ग्राहकका लागि उपलब्ध हुने कम्पनीले जनाएको छ। सम्झौतापत्रमा एनआईसी एशिया बैंकका चिफ बिजनेस अफिसर अमित के.सी. र हेड–मोर्टगेज बैंकिङ एन्ड अटो लोन दीपक आचार्य तथा स्याकार ट्रेडिङ कम्पनीका प्रबन्ध निर्देशक सृजना शाक्य ज्योतिले हस्ताक्षर गरेका छन्। दुवै संस्थाले सम्झौताले ग्राहकलाई नयाँ होन्डा कार खरिदका लागि सहज, सरल र छिटो वित्तीय सुविधा प्राप्त गर्न सहयोग पुग्ने विश्वास व्यक्त गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1734944616.jpg)
-1786602170.png)
