झापा – झापा निर्वाचन क्षेत्र नम्बर २ बाट राष्ट्रिय स्वतन्त्र पार्टी (रास्वपा)का उम्मेदवार इन्दिरा रानामगर निर्वाचित भएकी छन् ।
पूर्वउपसभामुखसमेत रहेकी रानामगरले पूर्वसभामुखसमेत रहेका नेकपा (एमाले)का देवराज घिमिरेलाई ४८ हजार ७४२ मतान्तरले पराजित गरेकी हुन् ।
आइतबार मध्यराति घोषणा गरेको अन्तिम मतपरिणामअनुसार रास्वपाकी रानामगरले ६० हजार ११० मत प्राप्त गरेकी हुन् ।
निकटतम प्रतिस्पर्धी रहेका घिमिरेले ११ हजार ३६८ मत मात्र प्राप्त गरे । रानामगर लगातार दोस्रोपटक सांसद भएकी हुन् । यसअघि २०७९ मा उनी रास्वपाको समानुपातिक सूचीबाट सांसद भएकी थिइन ।
एमालेको ‘गढ’ मानिएको झापा– २ मा रास्वपाकी रानामगरले इतिहासमै सर्वाधिक मतान्तरले जित हासिल गरेकी हुन् । २०७९ मा देवराज घिमिरे २८ हजार ७१६ मत ल्याउँदै प्रतिनिधिसभा सदस्य पदमा निर्वाचित भएका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
