सेयर बजारमा उच्च गिरावट

बैंक/बिमा/सेयर

नेपाल लाइभ मंगलबार, चैत १२, २०८१ १५:३७

काठमाडौं–मंगलबार सेयर बजारमा उच्च अंकको गिरावट आएको छ। अघिल्लो दिनको तुलनामा नेप्से परिसूचक ५८.०५ अंक (२.१९ प्रतिशत) घटेको हो।

सो गिरावटपछि नेप्से २५८२ अंकमा कायम भएको छ।

बजारको परिसूचक घट्दा कारोबार रकम बढेको छ। अघिल्लो दिन ४ अर्ब ४८ करोडको कारोबार भएकोमा आज ५ अर्ब १८ करोडको भयो। जम्मा ४ कम्पनीको मूल्य बढ्दा २४० को घट्यो।

यस दिन सबै सेक्टर घटे। बैंकिङ १.४२, विकास बैंक २.९९, फाइनान्स ३.५०, होटल तथा पर्यटन २.७२, हाइड्रोपावर ३.३१, लगानी २.०८, जीवन बीमा २.२०, उत्पादन १.५०, माइक्रोफाइनान्स २.४९, निर्जीवन बीमा २.४६, अन्य १.८२ तथा व्यापार १.८५ प्रतिशत घटे।

यस दिन मूल्य धेरै बढ्नेमा डिवेन्चर अगाडि रहे। एनसीसीडी ८६, केबीएलडी ८९को मूल्य ४ प्रतिशतभन्दा धेरै बढ्यो। नारायणी डेभलपमेन्ट बैंकको मूल्य ८.७ प्रतिशत घट्यो। सपोर्ट माइक्रोफाइनान्सको ७.३, इस्टर्न हाइड्रोको ७.१, सिन्धु विकास बैंकको ६.७ तथा विन नेपाल लघुवित्तको ६.७ प्रतिशत मूल्य घट्यो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँको सुरक्षा व्यवस्थामा कडाई, ३५ सय बढि प्रहरी परिचालन

आज एकै दिन गणतन्त्रवादी र राजावादीहरूले छुट्टाछुट्टै प्रदर्शन गर्दै, सुरक्षा व्यवस्था कडा पारियो

घुस सहित प्रहरी नायब निरीक्षक पक्राउ