काठमाडौं– दक्षिण भारतीय अभिनेता यशको प्रतीक्षित फिल्म ‘टक्सिक’को टिजर सार्वजनिक भएको छ। यशको जन्मदिनको अवसर पारेर बुधबार टिजर सार्वजनिक गरिएको हो।
टिजरमा उनको रोयल लुक्स देख्न सकिन्छ। सुन्दरीहरूसँग क्लबमा मोजमस्ती गर्दैगर्दाको दृश्य र सुटबुटमा उनी आकर्षक देखिएका छन्। टिजरलाई यशले सामाजिक सञ्जालमा सेयर गरेका छन्। क्याप्सनमा लेखेका छन्- ‘अनलिस्ड।’
५९ सेकेन्डको टिजरमा यश सेतो सुट लगाएर चुरोट पिउँदै ‘पाराइसो’ नामक आकर्षक नाइट क्लबमा गएको देखिन्छ। बार डान्सरले भरिएको क्लबमा यश एउटी युवती नजिक पुग्छन्, अनि आफू र उनीमाथि रक्सीको बोतल खन्याउँछन्।
यशको लुक्सलाई फ्यानले मन पराएका छन्। एक प्रयोगकर्ताले लेखेका छन्, ‘मन्स्टर इज ब्याक।’ अर्का फ्यान लेख्छन्, ‘हलिउड भाइब्स आउँदैछ। रकी भाइको स्वाग गजब छ।’
फिल्मलाई गीतु मोहनदासले निर्देशन गरेका हुन्। केभीएन प्रोडक्सन र मोन्स्टर माइन्ड क्रिएसनले संयुक्त रूपमा निर्माण गरेका हुन्। तर रिलिजको घोषणा भने भएको छैन। यसका अरु कलाकारबारे थप जानकारी सार्वजनिक गरिएको छैन।
यसअघि यो फिल्ममा बलिउड अभिनेत्री करिना कपुरले अभिनय गर्ने चर्चा थियो। तर केही मतभेदका कारण उनले यसमा काम गर्न अस्वीकार गरेकी छन्। त्यसपछि नयनतारालाई साइन गराइएको थियो, जसले यशकी दिदीको भूमिका निर्वाह गर्नेछिन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
