इटहरी- प्रदेश न १ का मुख्यमन्त्री शेरधन राईले यो समय संघीयता कार्यान्वयनका लागि संक्रमणकाल भएको बताएका छन्। गाउँपालिका राष्ट्रिय महासंघ १ नम्बर प्रदेश समितिको प्रथम अधिवेशनको आज उद्घाटन गर्दै मुख्यमन्त्री राईले सबै किसिमको सरकारको समन्वयले मात्र संघीयता कार्यनयन हुने बताए। सबै क्षेत्रको समानुपातिक विकासका लागि तीन वटै सरकारबीच समन्वय आवश्यक रहेको उनको भनाइ छ।
_x000D_
_x000D_
'संघीयता नै हाम्रो लागि नौलो विषय हो। यसको कार्यान्वयनका लागि संगठनात्मक एकरुपता र सहअस्तित्व कायम राख्न अति आवश्यक छ,' उनले भने।
_x000D_
_x000D_
विश्वमै नभएको तीन तहको संघीयताको प्रयोग नेपालमा भएको भन्दै उनले थपे, 'यो संघीयताको अल्पकालीन संक्रमणकाल हो। तर आत्तिएर हुँदैनऽ समयक्रममा सम्पूर्ण समस्या समाधान हुन्छन्।'
_x000D_
_x000D_
इटहरीमा २ दिनसम्म चल्ने गाउँपालिका अधिवेशनमा ३५० को सङ्ख्यामा गाउँपालिकाका प्रतिनिधि सहभागी भएका छन्। १ नम्बर प्रदेश गाउँपालिका राष्ट्रिय महासंघका संयोजक ताराबहादुर काफ्लेका अनुसार प्रदेशका ८८ वटा गाउँपालिकाबाट अध्यक्ष, उपाध्यक्ष तथा वडाध्यक्षमध्येबाट १ र वडा सदस्यमध्येबाट १ जना गरी ४ जना प्रतिनिधि रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768271809.png)
-1764146706.png)
