पर्यटन बोर्डको सीईओ छनोटमा उच्च अदालत दियो अल्पकालीन अन्तरिम आदेश

समाचार

नेपाल लाइभ बुधबार, वैशाख १२, २०८१ १५:३०

काठमाडौं- उच्च अदालत पाटनले नेपाल पर्यटन बोर्डका प्रमुख कार्यकारी अधिकृत (सीईओ) छनोट सम्बन्धी कुनै पनि काम नगर्न नगराउन अल्पकालीन अन्तरिम आदेश जारी गरेको छ।

पर्यटन बोर्डमा रिक्त सीईओ नियुक्तिका लागि छनोट गर्न गठित उपसमितिका सदस्य तथा बोर्ड सञ्चालक समिति सदस्यहरू मिलन देवकोटा र मदनकुमार आचार्यको मनोनयनसमेत गैरकानुनी भएको र छनोट उपसमिति पनि अवैधानिक रहेको भन्दै उच्च अदालत पाटनले अल्पकालीन अन्तरिम आदेश जारी गरेको हो।

उच्च अदालत पाटनका न्यायाधीश सुदर्शनराज पाण्डेको एकल इजलासले १० बैशाखमा अल्पकालीन अन्तरिम आदेश जारी गरेको हो।

कुन्दन शर्मा मिश्रसमेतको निवेदनसहित मिसिल अध्ययन गरी अधिवक्ताहरू रमेश बडाल, रमेशप्रसाद धिताल र हरिप्रसाद मैनालीको बहस गरेका थिए। न्यायाधीश पाण्डेको एकल इजलासले प्रधानमन्त्री तथा मन्त्रिपरिषद्को कार्यालयसमेतका नाममा अल्पकालीन अन्तरिम आदेश जारी गरेको हो।

निवेदकको माग बमोजिम आदेश किन जारी हुनु नपर्ने हो? माग बमोजिम आदेश जारी हुनु नपर्ने कुनै आधार, कारण र प्रमाण भए सबुद प्रमाणसहित म्याद सूचना तामेल भएको मितिले बाटाको म्यादबाहेक १५ दिनभित्र विपक्षीका हकमा आफैं वा प्रतिनिधि राखेर लिखित जवाफ पेस गर्न उच्चको आदेशमा भनिएको छ।

बोर्डको सीईओ छनोटका लागि पहिलो चरण पूरा भएको छ। हाल १५ जनाले आवेदन दिएका छन्। उनीहरुको छनोट प्रक्रिया अघि बढेको समयमा अदालतले यस्तो आदेश गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चिनियाँ नेता सियाओ जी काठमाडौँमा

गाजामा इजरायलको हवाई आक्रमणमा परि ८० जनाको मृत्यु

सतुङ्गलको कपडा पसलमा आगलागी