काठमाडौं– गत हप्तादेखिको भारी वर्षाले पाकिस्तानका केही भागहरूमा विनाश जारी राख्दा कम्तीमा ८७ जनाको मृत्यु भएको छ। साथै अन्य ८० जना घाइते भएको राष्ट्रिय प्रकोप व्यवस्थापन प्राधिकरणले जनाएको छ।
वर्षाले देशभर २ हजार ७१५ घरमा आंशिक वा पूर्ण क्षति पुगेको एनडीएमएले जनाएको छ। संरचना भत्किएको, चट्याङ परेर र बाढीका घटनामा अधिकांशको ज्यान गएको छ। अधिकांश क्षति र निधन देशको उत्तरपश्चिमी खैबर पख्तुनख्वा प्रान्तमा भएको छ।
जहाँ ३६ जनाको ज्यान गएको छ र ५३ जना घाइते भएका छन्। यस अवधिमा पाकिस्तान नियन्त्रित कश्मीरमा भारी वर्षाका कारण १५ जनाको मृत्यु भएको छ भने दक्षिणपश्चिमी बलुचिस्तान प्रान्तमा ज्ञ११ जनाको मृत्यु भएको छ। अन्य ११ जना घाइते भएका छन्।
पाकिस्तानी प्रधानमन्त्री शहबाज शरीफले हालैको भारी वर्षाका कारण भएको बहुमूल्य जनधनको क्षतिप्रति गहिरो शोक र दुःख व्यक्त गर्दै प्रभावित क्षेत्रमा राहत कार्यलाई तिब्रता दिन र वर्षाका कारण बन्द भएका सडकहरू खोल्ने कामलाई तिब्रता दिन सम्बन्धित विभागलाई सुझाव दिएका छन्।
यसअघि शुक्रवारको मौसम पूर्वानुमान प्रतिवेदनमा एनडीएमएले आगामी अप्रिल २२ सम्म जारी वर्षाले देशका विभिन्न क्षेत्रमा बाढी आउन सक्ने अनुमान गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
