ट्रम्पविरुद्धको मुद्दा चलिरहेका बेला अदालतबाहिर एक व्यक्तिले लगाए आफैंमाथि आगो

विश्व

नेपाल लाइभ शनिबार, वैशाख ८, २०८१ ०७:४६

न्युयोर्क - अमेरिकाको न्युयोर्कस्थित अदालतमा पूर्वराष्ट्रपति डोनाल्ड ट्रम्पविरुद्धको मुद्दा चलिरहेका बेला एक व्यक्तिले आफैमाथि आगो लगाएका छन् ।

डोनाल्ड ट्रम्पविरुद्धको आपराधिक मुद्दाका लागि जुरीहरु छानिने क्रममा लोअर म्यानहट्टनको अदालत नजिकै शुक्रबार दिउँसो एक युवकले आफूलाई आगो लगाएका हुन् । ती व्यक्तिले दिउँसो १ बजेर ३५ मिनेटमा अदालतको पारीपट्टी रहेको कलेक्ट पोन्ड पार्कमा आफैंलाई आगो लगाएपछि प्रत्यक्षदर्शीहरु चिच्याएर दौडेका थिए । तत्कालै ती व्यक्तिमाथि आगोको लप्का बढेको थियो । उनले के कारणले आफैमाथि आगो लगाए भन्नेबारे स्पष्ट छैन।

ती व्यक्तिलाई एम्बुलेन्समा हालेर तत्काल अस्पताल लगिएको थियो । ती व्यक्तिले आफैंलाई आगो लगाउनु अघि पर्चा हावामा फालेका थिए । पर्चाहरूमा पूर्व राष्ट्रपति जर्ज डब्ल्यु बुश, पूर्व उपराष्ट्रपति एल गोर र सन् २००० को राष्ट्रपति चुनावको पुन गणनामा गोरको प्रतिनिधित्व गर्ने वकिल डेभिड बोइजको सन्दर्भ उल्लेख गरिएको जनाइएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च