लाजिम्पाटमा कल सेन्टर सञ्चालन गरेर अनलाइन जुवा खेलाउने अखडामा प्रहरीको छापा, भारतीयसहित २ जना पक्राउ

सुरक्षा/अपराध

नेपाल लाइभ सोमबार, कात्तिक २०, २०८० १७:२१

काठमाडौं– कल सेन्टर सञ्चालन गरेर अनलाइन जुवा खेलाउने अखडामा प्रहरीले छापा मारेको छ। जिल्ला प्रहरी परिसर काठमाडौं र प्रहरी वृत्त लैनचौरको संयुक्त टोलीले छापा मारेर दुई जना भारतीय नागरिकलाई पक्राउ गरेको हो।

पक्राउ पर्नेहरुमा भारतको महाराष्ट्र राज्य मुम्बई घर भई काठमाडौं बस्दै आएका ४२ वर्षीय गौरब देसाई, काठमाडौं–३ का ४७ वर्षीय राजिब शर्मा पाण्डे छन्।

उनीहरुबाट २९ थान डेस्कटपसमेत बरामद गरिएको परिसर काठमाडौंका प्रवक्ता तथा एसपी कुमोध ढुंगेलले जानकारी दिए।

उनीहरुले लाजिम्पाटस्थित बाबुराजा नकर्मीको ६ तले राजिव शर्मा पाण्डेको नाममा भाडामा लिएर कल सेन्टर सञ्चालन गर्दै अनलाइन जुवा खेलाउने गरेको प्रहरीले जनाएको छ। उनीहरुले उक्त घरको तेस्रो र चौथो तलामा अनलाइन जुवा खेलाउने गरेका थिए।

उनीहरुविरुद्ध सट्टाबाजीसम्बन्धी कसुरमा ७ दिनको म्याद लिएर अनुसन्धान अघि बढाइएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्ट्सको जर्सी सार्वजनिक

आज राति ११ बजेदेखि दैनिक ४ घण्टा ३० मिनेट पृथ्वी राजमार्ग बन्द हुने

एनपीएलको खेल तालिका सार्वजनिक, उद्घाटनमा विराटनगर र जनकपुर भिड्ने [तालिकासहित]