मीनबहादुर गुरुङसहित ३ जनालाई आइतबार अदालतमा उपस्थित गराउन सर्वोच्चको आदेश

समाचार

नेपाल लाइभ शुक्रबार, असार १५, २०८० १२:४३

काठमाडौं– सर्वोच्च अदालतले ललिता निवासको सरकारी जग्गा हिनामिना तथा कीर्तेसम्बन्धी कसुरमा अनुसन्धानका लागि पक्राउ परेका भाटभटेनी सुपरमार्केटका सञ्चालकसहित ३ जनालाई आइतबार अदालतमा उपस्थित गराउन आदेश दिएको छ।

बन्दीप्रत्यक्षीकरणको रिटमा सुनुवाइ गर्दै सर्वोच्च अदालतका न्यायाधीश कुमार चुडालको इजलासले बन्दीसहित अदालतमा उपस्थित हुन सरकारी पक्षका नाममा आदेश जारी गरेको हो।

निर्वाचन आयोगका पूर्व आयुक्त सुधिरकुमार शाह, भाटभटेनी डिपार्टमेन्ट स्टोरका सञ्चालक गुरुङ र मालपोत कार्यालयका पूर्व कर्मचारी धर्मप्रसाद गौतमले बन्दीप्रत्यक्षीकरणको निवेदन दिएका थिए। रिटमा उनीहरुले थुनामुक्त गराउन अन्तरिम आदेशको माग गरेका थिए।

सर्वोच्चले थुनामुक्तको आदेशका विषयमा भने आइतबार छलफल हुने जनाएको छ। सरकारी पक्षलाई बन्दीसहित उपस्थित हुन भनिएको र दुवै पक्षको उपस्थितिपछि आदेश जारी हुने वा नहुनेबारे निर्णय हुने सर्वोच्च अदालत स्रोतले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई ५४ लाख धरौटीमा छाड्न चितवन जिल्ला अदालतको आदेश

सुनिल पौडेलविरुद्ध घुस लिएको आरोपमा अर्को भ्रष्टाचार मुद्दा

पेट्रोलियम पदार्थ अन्वेषणलाई तीव्रता दिन सांसदको माग