व्यापार घाटा कम गर्न स्वदेशी उत्पादनको प्रयोग गरौँः पाण्डे

राजनीति

नेपाल लाइभ बिहीबार, चैत ९, २०७९ १३:२६

काठमाडौं– नेकपा (एकीकृत समाजवादी)का उपाध्यक्ष राजेन्द्रप्रसाद पाण्डेले स्वदेशी उत्पादनको वृद्धि गर्न आग्रह गरेका छन्।

बिहीबार सामुदायिक रेडियो प्रशारक संघको कार्यक्रमलाई सम्बोधन गर्दै पाण्डेले नेपालीहरू स्वदेशी उत्पादनभन्दा विदेशी उत्पादनलाई प्राथमिकता बढी दिने गरेको भन्दै सामुदायिक रेडियोहरूले स्वदेशी उत्पादन चलाउनुपर्छ भन्ने अभियान सञ्चालन गर्नुपर्ने बताए।

उनले विदेशी उत्पादनलाई प्राथमिकता राख्दा अर्बौं व्यापार घाटा भइरहेको उल्लेख गर्दै सबै नेपालीहरूले स्वेदशमा नै उत्पादित सामग्रीहरूको प्रयोग बढाउनुपर्ने बताए। पाण्डेले नेपालीहरूले आफ्नै देशमा उत्पादित सामग्रीहरूको प्रयोग गर्ने हो भने व्यापार घाटा नियन्त्रणमा आउने दाबी गरे।

‘सामुदायिक रेडियोहरूलाई बचाइराख्नुपर्छ। यसमा साथ सहयोग दिन म तयार छु। रेडियोसँग सम्बन्धित ऐन बनाउँदा यो ऐनबाट तपाईंहरूलाई माया गर्नुपर्ने ठाउँ खोज्दा म त्यसको साथमा अग्रपंक्तिमा रहनेछु’, उनले भने, ‘आज हामी हाम्रो स्वदेशी उत्पादनलाई माया गर्ने कुरामा ध्यान दिन जरुरी छ। हामी व्यापार घाटामा खर्बौं रूपैयाँ घाटामा जाने गर्दछौँ। हाम्रो आफ्नो उत्पादन हामी वृद्धि गर्न सक्दैनौँ। विदेशी उत्पादन प्रयोग गर्छौं तर सामुदायिक रेडियोहरूले स्वदेशी उत्पादन प्रयोग गरौँ भन्ने अभियान प्रचार गर्नुपर्छ।’

उपाध्यक्ष पाण्डेले रेडियोसँग सम्बन्धित ऐन बनाउँदा आफ्नो पूर्ण समर्थन र सहयोग रहने प्रतिवद्धता पनि जनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेलको फ्ल्यास सेल अब हरेक आइतबार खल्तीमा

प्रधानमन्त्री कप क्रिकेट सुरु, उद्घाटन खेलमा दार्चुला विजयी

स्वदेशमा नै रोजगारी सृजना गर्नुपर्नेमा जोड