एकैदिन तोलामा २ हजार रुपैयाँले घट्यो सुनको मूल्य

अर्थ समाचार

नेपाल लाइभ बुधबार, चैत ८, २०७९ १२:२८

काठमाडौं– साप्ताहिक कारोबारको चौथो दिन आज (बुधबार) नेपाली बजारमा पहेँलो धातु (सुन)को मूल्य घटेको छ। बुधबार एकैदिन सुनको मूल्य तोलामा २ हजार रुपैयाँले घटेको नेपाल सुनचाँदी व्यवसायी महासंघले जनाएको छ।

तोलामा २ हजार रुपैयाँले घटेपछि बुधबार छापावाल सुनको मूल्य प्रतितोला १ लाख ७ हजार ८०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ७ हजार ३०० रुपैयाँ कायम भएको छ।

यसअघि मंगलबार भने सुनको मूल्य तोलामा ५०० रुपैयाँले बढेको थियो। मंगलबार छापावाल सुन प्रतितोला १ लाख ९ हजार ८०० र तेजाबी सुन प्रतितोला १ लाख ९ हजार ३०० रुपैयाँमा किनबेच भएको थियो।

बुधबार चाँदीको मूल्य तोलामा ५ रुपैयाँले घटेर प्रतितोला १ हजार ३३५ रुपैयाँ कायम भएको छ। यसअघि मंगलबार चाँदी प्रतितोला १ हजार ३४० रुपैयाँमा किनबेच भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेलको फ्ल्यास सेल अब हरेक आइतबार खल्तीमा

प्रधानमन्त्री कप क्रिकेट सुरु, उद्घाटन खेलमा दार्चुला विजयी

स्वदेशमा नै रोजगारी सृजना गर्नुपर्नेमा जोड