नेपाली बजारमा सुन हालसम्मकै महङ्गो, एकै दिन २ हजार ९०० रुपैयाँले बढ्यो मूल्य

अर्थ समाचार

नेपाल लाइभ आइतबार, चैत ५, २०७९ ११:०२

काठमाडौं– नेपाली बजारमा पहेँलो धातु (सुन)को मूल्य हाल सम्मकै उच्च विन्दुमा पुगेको छ। साप्ताहिक कारोबारको पहिलो दिन आज (आइतबार) तोलामा २ हजार ९०० रुपैयाँ बढेर सुन हालसम्मकै महङ्गो भएको हो।

नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला १ लाख १० हजार रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ९ हजार ५०० रुपैयाँ कायम भएको छ।

नेपाली बजारमा सुनको मूल्यले यसअघि माघ १९ गते सर्वाधिक उच्च अंकको रेकर्ड राखेको थियो। माघ १९ गते छापावाल सुनको मूल्य प्रतितोला १ लाख ७ हजार ५०० रुपैयाँ कायम भएको थियो।

अन्तर्राष्ट्रिय बजारमा नै सुनको मूल्य बढेकाले त्यसको असर नेपाली बजारमा देखिएको सुनचाँदी व्यवसायी संघले जनाएको छ। अन्तर्राष्ट्रिय बजारमा बिहीबारको तुलनामा शुक्रबार सुनको मूल्य प्रतिऔंस ३.४७ प्रतिशतले बढेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कास्की संघले जित्यो ‘जुनियर खुल्ला राष्ट्रिय जुडो प्रतियोगिता–२०८१’ को उपाधी

एनसेलको फ्ल्यास सेल अब हरेक आइतबार खल्तीमा

प्रधानमन्त्री कप क्रिकेट सुरु, उद्घाटन खेलमा दार्चुला विजयी