माग पूरा गर्ने प्रधानमन्त्रीको आश्वासनपछि उद्योगी व्यवसायीको आन्दोलन स्थगित

अर्थ समाचार

नेपाल लाइभ मंगलबार, फागुन ३०, २०७९ २०:१२

काठमाडौं– बैंक तथा वित्तीय संस्थाविरुद्ध आन्दोलन गरिरहेका उद्योगी व्यवसायीहरुले आफ्ना विरोधका कार्यक्रमहरु फिर्ता लिएका छन्।

उद्योगी व्यवसायीको माग सम्बोधन गर्न प्रधानमन्त्री पुष्पकमल दाहाल प्रचण्ड तयार भएपछि आन्दोलनका कार्याक्रम फिर्ता लिइएको नेपाल उद्योग वाणिज्य महासंघका उपाध्यक्ष दिनेश श्रेष्ठले जानकारी दिए।

प्रधानमन्त्री प्रचण्डसँग भेटेपछि आन्दोलनका सबै कार्यक्रमहरु फिर्ता लिइएको उनले बताए। प्रधानमन्त्रीले माग पूरा नभए फेरि आन्दोलन गर्नुहोला तर अहिले सरकार माग पूरा गर्न तयार छ भन्ने आश्वासन दिएका कारण हाललाई आन्दोलनका कार्यक्रमहरु स्थगित गरिएको उपाध्यक्ष श्रेष्ठले जानकारी दिए।

बजारमा देखिएका समस्याबारे प्रधानमन्त्रीले आफू जानकार रहेको र यो विषयलाई आफूले गम्भिरतापूर्वक लिएको बताएको श्रेष्ठले जानकारी दिए। योसँगै बैंक तथा वित्तीय संस्थाविरुद्ध जारी व्यवसायीका आन्दोलन आजैदेखि रोकिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बिआरआई नेपालको सर्वोत्तम हितमा छ : झलनाथ खनाल

घाइते नेइमार ब्राजिलको विश्वकप छनोटमा नखेल्ने

जनकपुरधाममा आज पनि होलीको रौनक