गैरआवासीय नेपालीले इन्भेष्टमेन्ट कम्पनी खोल्न पाउने

अर्थ समाचार

नेपाल लाइभ शुक्रबार, फागुन १९, २०७९ १७:३२

काठमाडौं– गैरआवासीय नेपालीलाई नेपालमा लगानी भित्र्याउन प्रोत्साहन गर्ने गरी सरकारले इन्भेष्टमेन्ट कम्पनी स्थापनाका शर्त संशोधन गरेको छ।

गैरआवासीय नेपालीलाई नेपालमा लगानी भित्र्याउन प्रोत्साहन गर्नेगरी कम्पनी स्थापनाको शर्त संशोधन गरिएको उद्योग विभागका महानिर्देशक रामचन्द्र तिवारीले बताए।

‘उद्योगको रुपमा अब गैरआवासीय नेपालीले पनि सरकारसँग संयुक्त लगानीमा कम्पनी खोल्न पाउने छन्’, उनले भने, ‘यसले नेपालमा गैरआवासीय नेपालीको लगानी भित्र्याउन सहजीकरण हुने आसा गरेका छौँ।

उद्योग, वाणिज्य तथा आपूर्ति मन्त्रालयले गरेको संशोधनपछि अब गैरआवासीय नेपालीले नेपाल सरकारसँग मिलेर नेपालमा उद्योगको रुपमा गैरइन्भेष्टमेन्ट कम्पनी स्थापना गर्न पाउने छन्। यस अघि नेपालमा प्रत्यक्ष वैदेशिक लगानीमा मात्रै इन्भेष्टमेन्ट कम्पनी उद्योगको रुपमा दर्ता गर्न पाइन्थ्यो।

संशोधित शर्तअनुसार अब नेपाल सरकार र गैरआवासीय नेपालीले संयुक्त लगानीमा इन्भेष्टमेन्ट कम्पनी स्थापना गर्न पाउने छन्। यस्तो कम्पनीले विदेशी लगानी तथा प्रविधि हस्तान्तरण ऐनले तोकेको क्षेत्रमा न्यूनतम १० करोडबाटै लगानी गर्न सक्ने छ।

गैरआवासीय नेपालीले सरकारसँग मिलेर स्थापना गरेको इन्भेष्टमेन्ट कम्पनीलाई पूर्वाधार सम्बन्धी परियोजनाको बोन्ड र डिबेन्चरमा लगानी गर्न पाउने व्यवस्था गरिएको छ।

यस्ता कम्पनीले आफ्नो कम्पनीबाटै विदेशी लगानी स्वीकृत गर्न पाउने व्यवस्था पनि सरकारले गरेको छ। गैरआवासीय नेपालीको लगानीको रकम नेपाल बाहिर लैजाने व्यवस्थाका लागि सरकारले छुट्टै प्रक्रिया तोक्ने पनि विभागले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वास्थ्य सचिव डा पोखरेल र अतिरिक्त सचिव डा सिंहलाई मन्त्रालयको बिदाइ

बराबरीमा सकियो नेपाल र म्यानमारको खेल

निहत्था नागरिकको हत्या गर्ने माओवादीको जनयुद्ध थिएन, धनयुद्ध हो : गगन थापा