एजेन्सी – बलिउड स्टार अक्षय कुमार अभिनित फिल्म गोल्ड बुधबार बाट प्रदर्शनमा आएको छ। रिमा कागतीको निर्देशनमा निर्माण भएको फिल्म भारतीय राष्ट्रियता सँग जोडिएको छ। भारतीय सञ्चारमाध्यमका अनुसार स्वतन्त्र भारतका लागि ओलम्पिक खेलमा स्वर्ण दिलाउने खेलाडीको कथा फिल्ममा समावेस गरिएको छ।
फिल्मले प्रदर्शनको पहिलो दिन उत्कृष्ट व्यपार गरेको छ। भारतीय अनलाईन फिल्मी विटका अनुसार फिल्मले बुधबार मात्र २४ करोडको ग्रस व्यपार गरेको हो। यससँगै अहिले सम्मकै अक्षयको पहिलो दिनमा बढी व्यपार गर्ने फिल्म ‘गोल्ड’ सावित भएको छ।
यस अघि उनको पहिलो दिनमा सबै भन्दा बढी व्यपार गर्ने फिल्म सिंह इज ब्लिंग थियो। जसले २०.६७ करोडको व्यपार गरेको थियो।
फिल्ममा अक्षयका साथ विनित कुमार सिंह, अमित साथ, कुणाल कपुर लगायतको पनि उत्कृष्ट अभिनय रहेको छ। प्रर्दशनको पहिलो दिन उत्कृष्ट सम्भावना देखाएको फिल्मले आउदो सनिबार र आइतबार अझ राम्रो व्यपार गर्ने भारतीय फिल्मकर्मीहरुको अनुमान रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
