पाँचवर्षे नागरिक बचतपत्र निष्कासन गर्दै नेपाल राष्ट्र बैंक

अर्थ समाचार

नेपाल लाइभ सोमबार, फागुन ८, २०७९ १६:५४

काठमाडौं– नेपाल राष्ट्र बैंकको मौद्रिक व्यवस्थापन विभागले नागरिक बचत २०८४ ‘क’ निष्कासन गर्ने भएको छ।

सोमबार एक सूचना जारी गर्दै ५ वर्षे ‘नागरिक बचत २०८४’ फागुन १० गते देखि ३० गतेसम्म बिक्री खुला गर्ने र चैत ६ गते निष्कासन गर्ने जानकारी दिएको हो।

उक्त बचतमा निष्कासन हुने रकम २ अर्ब ५० करोड रहने छ। जसको ब्याजदर ११.५० प्रतिशत रहने छ। ब्याज भुक्तानी भने ६–६ महिनामा हुने छ।

जुन इच्छुक व्यक्तिले कम्तीमा १० हजार रुपैयाँ खरीद गर्नसक्ने छन् भने बढीमा निष्काशित रकमको सीमामा नबढाई १० हजारले भाग गर्दा निशेष भाग जाने अंकमा खरिद गर्न सक्ने छन्।

जुनसुकै नेपाली नागरिकले यो बचत धितो राखी राष्ट्र बैंकबाहेक जुनसुकै बैंक तथा वित्तिय संस्थाबाट कर्जा लिन र दिन सक्नेछन्।

साथै इच्छुक खरिदकर्ताले नागरिक बचतपत्र खरिद गर्नका लागि राष्ट्र बैंकको वेबसाइटमा गएर अनलाइनमार्फत् आवेदन पेस गर्न सक्ने व्यवस्था रहेको छ।

331054421_6069672606388028_8464020631539779014_n1676891349.png 330897873_1555060358355042_3211426109648704259_n1676891349.png

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

१२ महिनामा १२ रोगको सचेतना अभियान

एनपिएल फाइनलमा अभद्र व्यवहार गर्ने दुई जना पक्राउ, अन्यको खोजी कार्य जारी

भक्तपुरको बालकोटमा डेरामा बस्दै आएका बाबु-छोराको हत्या, अर्का छोरा सम्पर्कविहीन