नेप्से परिसूचकमा दोहोरो अंकको गिरावट, १ अर्ब ९४ करोडको कारोबार

अर्थ समाचार

नेपाल लाइभ सोमबार, फागुन ८, २०७९ १६:३९

काठमाडौं- धितोपत्र बजारमा सेयर कारोबार मापक नेप्से परिसूचक सोमबार दोहोरो अंकले ओरालो लागेको छ। नेपाल स्टक एक्सचेञ्जका अनुसार नेप्से परिसूचक २३ दशमलव ६० अंकले ओरालो लागेर दुई हजार ४६ दशमलव ८१ मा सीमित भएको छ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक चार दशमलव ९१ अंकले ओरालो लागेर तीन सय ९१ दशमलव ५३ मा सीमित भएको छ।

कारोबार भएका कूल १३ उपसमूहमध्ये दुई उपसमूहको सेयर मूल्य उकालो लाग्दा ११ उपसमूहको सेयर मूल्यमा गिरावट आएको छ। कारोबार भएका कूल कम्पनीमध्ये ३२ कम्पनीको सेयर मूल्यमा वृद्धि भएको छ।

यस्तै एक सय ७७ कम्पनीको सेयर मूल्यमा गिरावट आउँदा सात कम्पनीको सेयर मूल्यमा भने कुनै परिवर्तन भएको छैन। कूल ६० लाख ९१ हजार तीन सय ५३ कित्ता सेयर एक अर्ब ९४ करोड ७६ लाख २३ हजार नौ सय ९३ मूल्यमा खरिद बिक्री भए।

सोमबारको कारोबारपछि बजार पुँजीकरण २९ खर्ब ५३ अर्ब ४२ करोड ४० लाख सात हजार सात सय ५४ बराबर रहेको छ। कारोबारका आधारमा हिमालयन डिस्टिलरी शीर्ष स्थानमा छ।

सो कम्पनीको २० करोड ८२ लाख ५६ हजार सात सय ४० बराबरको कारोबार भयो। यस्तै साल्टटे«डिङ कर्पोरेशन ११ करोड ४८ लाख ४७ हजार नौ सय ४७, जीवन विकास लघुवित्त ६ करोड ५५ लाख ५५ हजार तीन सय, एनआइसी एशिया बैंक पाँच करोड ५५ लाख ९१ हजार दुई सय एक र सानिमा बैंक चार करोड ६५ लाख ७६ हजार चार सय ६९ बराबरको कारोबार भई शीर्ष पाँचभित्र पर्न सफल भएका छन्।

नेप्सेका अनुसार राप्ती हाइड्रोको सेयर मूल्यमा १० प्रतिशतले वृद्धि भई सकारात्मक सर्किट लागेको छ। दोर्दी खोला जलविद्युत् कम्पनी चार दशमलव १७, एनएमबी हाइब्रिड फण्ड एक तीन दशमलब ९६, कालिका पावर कम्पनी दुई दशमलब शुन्य चार र एनएमबी–५० का लगानीकर्ताले दुई दशमलव शून्य दशमलव दुई प्रतिशतले कमाएका छन्।

यस्तै जीवन विकास लघुवित्त नौ दशमलव १५, उपकार लघुवित्त सात दशमलव ४२, हिमालयन डिस्टिलरी पाँच दशमलव ३१, वीन नेपाल लघुवित्त पाँच र समिट लघुवित्त वित्तीय संस्थाका लगानीकर्ताले चार दशमलव ९६ प्रतिशतले गुमाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

१२ सहसचिवको सरुवा, कसको कहाँ? (सूचीसहित)

त्रिभुवन विमानस्थलको सुधार कार्ययोजना १५ दिनभित्र पेश गर्न मन्त्री पाण्डेको निर्देशन

१२ महिनामा १२ रोगको सचेतना अभियान