विराटनगर– नेकपा एमालेका अध्यक्ष केपी शर्मा ओलीले पूर्व राजा ज्ञानेन्द्र शाह आफैं अल्मलिएको टिप्पणी गरेका छन्।
आइतबार बिहान विराटनगर विमानस्थलमा सञ्चारकर्मीहरुसँग कुरा गर्दै पूर्वप्रधानमन्त्रीसमेत रहेका ओलीले पूर्वराजा शाह आफैं अल्मलिएको बताएका हुन्।
पूर्वराजा शाहले गरेको सहकार्यको प्रस्तावमाथि टिप्पणी गर्दै ओलीले देशमा गणतन्त्र आएको धेरै नभएकाले अहिल्यै आत्तिनुपर्ने अवस्था नभएको स्पष्ट पारे।
उनले भने, ‘गणतन्त्र आएको धेरै समय भएको छैन। अहिल्यै आत्तिनुपर्ने स्थिति छैन। हाम्रो देश समृद्ध र सुखी बन्छ। पूर्वराजा शाह आफैं अल्मलिनु भएको छ।’
साथै अध्यक्ष ओलीले पूर्वराजा शाहमा पुरानै झझल्कोले सताउने गरेको टिप्पणी गरेका छन्। शाहलाई दुई/चार जना मान्छे देख्यो कि हौसिने र पुरानै झझल्कोले सताउने गरेको ओलीले आरोप लगाए।
दलहरुले केही गरेनन् भन्ने आरोप लगाइँरहँदा २४० वर्ष राजतन्त्र हुँदा देशले के पायो भन्ने हेर्नुपर्ने ओलीले बताए। यसैगरी ओलीले राष्ट्रपतिमा एमालेकै उम्मेदवार चयन हुने दाबी गरेका छन्। एमालेले उठाएको उम्मेदवार जिताउन राष्ट्रिय सहमति बन्ने ओलीले विश्वास व्यक्त गरे।
एमालेले राष्ट्रपतिका लागि मनोनयन दर्ता गर्ने दिनमा नै नाम सार्वजनिक गर्ने उल्लेख गर्दै उनले भने, ‘अहिलेको गठबन्धन सोचेर र सम्झेर बनाएकाले रहिरहन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
