काठमाडौं– पालिकाका ७७६ बढी किसानलाई प्रति हल १० हजार रुपैयाँ अनुदान दिएको हो। नगरपालिकाले एक कार्यक्रमको आयोजना गरी अनुदान दिन सुरु गरेको छ।
नगरपालिकाले कृषि क्षेत्रलाई अर्गानिक प्रर्वद्धन गर्ने उद्देश्यस्वरुप अनुदान दिएको पालिकाले जनाएको छ। नगर प्रमुख बालकृष्ण बस्नेतका अनुसार हामीले अनुदान मात्रै दिने होइन गोरूको अनिवार्य बीमासहित अनुदान दिने बताए।
‘हामीले कृषकलाई मात्र होईन समग्र नगरपालिकालाई नै विभिन्न खालको कार्यक्रम गरेका छौँ,’ प्रमुख बस्नेतले भने, ‘हामीले शिक्षामा पनि विभिन्न कार्यक्रम ल्याएका छौँ।’ अहिले नगरपालिकाले निःशुल्क शिक्षासमेत कार्यान्वयन गर्दै आएको छ।
नगरको माटोको उर्भराशक्ति ह्रास हुँदै आएको कारणले उर्भरा शक्ति प्रांगरिक मललाई जोड दिन कृषकलाई अनुदान दिएको पालिकाका प्रवक्ता तथा वडा अध्यक्ष विमलप्रसाद पौडेलले बताएका छन्।
‘गाउँमा बस्ने किसानहरुको कतै जागिर हुँदैन यहि जोत्ने खाने त हो, पालिकाले प्रत्साहन गरेको राम्रो कुरा हो’, अनुदान लिने जितमान तामाङ्ग भन्छन्, ‘हामीलाई यो पैसाले गोरु बिरामी हुँदा दबाइ गर्न हुन्छ। बाली किन्न सजिलो हुन्छ।’
बाह्रबीसे नगरपालिकाले जनतासँग नगरप्रमुख कार्यक्रम मार्फत कृषकलाई अनुदान दिएको हो। अनुदान ८० लाख बढी खर्च हुने अनुमान गरेको नगर प्रमुख बस्नेतले बताए।
मेसिनलाई भन्दा गोरुहरुलाई प्रोत्साहान गरेकोमा खुशी लागेको अनुदान रकम लिन आएका कृषक खिलबहादुर बुढाथोकी बताउँछन्। ‘यो पैसाले म आलुको विउ किन्छु। गोरूलाई कहिले विरामी हुन्छ दवाइ नि गर्न हुन्छ,’ उनले भने।
किसानको अपेक्षा र प्रोत्साहनअनुसार अनुदान दिएको हो। मेयर बस्नेतले भने, कृषकलाई हामीले भेदभाव गरेका छैनौं। यहाँको आवश्यक जे हो हामीले त्यहीअनुसार काम गरेको छौं।
पालिकाले कृषिलाई लक्षित गरि आलु पकेट क्षेत्र, भोटे कुकुर संरक्षण कार्यक्रम, चौरी संरक्षण कार्यक्रम, बाख्रापालन कार्यक्रम गर्दै आएको छ।
पालिकाले दुई करोड ५० लाख बढी रकम कृषिमा छुट्याएको छ। यस पालिकाको मुख्य पेसा कृषि, माथिल्लो क्षेत्रमा स्याउ, आलु, मकै, गहुँ, टमटार, अलि तल्लो भेगमा धान खेती पनि हुन्छ।
उद्घाटन कार्यक्रमको प्रमुख अतिथि पूर्व सूचना तथा सञ्चार मन्त्री तथा सांसद मोहनबहादुर बस्नेत थिए । कार्यक्रमका उद्घाटन सांसद र मेयरले गोरु जेतेर गरेका थिए ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
