काठमाडौं- मंगलबार मात्रै श्रम, रोजगार तथा सामाजिक सुरक्षामन्त्री नियुक्त भएका डोलप्रसाद अर्यालले आफू म्यानपावर कम्पनीसँग कहिल्यै आबद्ध नभएको बताएका छन्।
उनी मन्त्री नियुक्त भएसँगै इजिलिंक रेमिटेन्स कम्पनीका सञ्चालक र सृष्टि ओभरसिस इम्प्लोइमेन्ट सर्भिसेस प्रालिका इन्टरनेसनल मार्केटिङ डिरेक्टर रहेको समाचार सार्वजनिक भएपछि उनले फेसबुकमा स्टाटस लेखेर स्पष्टीकरण दिएका हुन्।
‘म्यानपावर कम्पनीमा म कहिले पनि छैन। हो, साथीहरुले एउटा कम्पनीमा सल्लाहकारमा राख्यौं है भनेर ‘इन्टरनेसनल मार्केटिङ डाइरेक्टर’को पद लेखिदिए तर हटाइदिन भुले। तर, त्यो वा कुनै मेनपावर कम्पनीमा न मेरो लगानी छ, न संलग्नता, न सेयर न स्यालरी’, उनले लेखेका छन्।
आफू देशको सामान्य नागरिक भएको भन्दै उनले थोरैथोरै लगानी धेरैतिर गरेको बताएका छन्। देशका हरेक क्षेत्रका उद्योग व्यवसायमा थोरैथोरै संलग्नता भएकाले आफ्नो स्वार्थ नबाझिने कुनै क्षेत्र नै नभएको उनको भनाइ छ।
‘म कृषि फार्ममा छु, ट्राभल सर्भिसमा छु, सहकारीमा छु, इटा उद्योगमा छु, नेपाली सामानको उत्पादनमा छु, नेपालको पहिलो रेमिटेन्स कम्पनीमा छु, एजुकेसन कन्सल्टेन्सीमा छु, सेक्युरिटी सर्भिसमा छु, ट्रेकिङ सर्भिसमा छु, होटल व्यवसायमा छु, क्याटरिङ व्यवसायमा छु, यस्ता थुप्रै क्षेत्रमा छु’, उनले लेखेका छन्।
उनले आफूले धेरथोर जानेको मन्त्रालयको रुपमा श्रम मन्त्रालयमा गएको बताएका छन्। ‘मन्त्रीका रुपमा काम गर्न जाँदा आफूले जानेकै क्षेत्रमा जाने हो र श्रम रोजगार मन्त्रालय मैले धेरथोर जानेको विषयको मन्त्रालयमध्ये एक हो। मबाट पीडित एक जना मात्र भए खडा गरिदिनुहोला, मैले कुनै गैरकानुनी काम गरेको भए जानकारी गराउनु होला। म यो पदको मर्यादा र गरिमा जान्दछु’, उनको आग्रह छ।
यस्तो छ मन्त्री अर्यालको फेसबुक स्टाटस :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788061592.webp)
-1786602170.png)
-1786513116.png)
