गृहमन्त्रीलाई अस्ट्रेलियामा अध्ययनरत नेपाली छात्राको पत्र

ब्लग

एभा काफ्ले बुधबार, माघ ४, २०७९ १३:४१

प्रिय गृहमन्त्री रवि लामिछानेज्यू,

तपाईं नेपालको गृहमन्त्री हुनुभएको खबर सुन्दा निकै खुसी लागेको छ। मलाई लाग्छ, तपाईंले नेपाल परिवर्तन गर्नका धेरै काम गर्नुपर्नेछ। ती कामहरुमध्ये सडक व्यवस्थापन, ट्राफिक बत्ति, संकेत र चालकलाई दिइनुपर्ने सुरक्षा नियम सम्बन्धी तालिमका विषयमा केही सुझाव दिन चाहन्छु।

नेपालका सडकमा ट्राफिक बत्तीहरु जडान गर्ने, बढीभन्दा बढी ट्राफिक संकेतहरु थप्ने र सवारी चालकहरुलाई सवारी सुरक्षा नियमबारे पढाउनु जरुरी छ। यस्तो नियम लगाउँदा पैदल यात्रुका साथै सवारी चालकलाई समेत सुरक्षा हुन जान्छ।

सर्वप्रथम, एक दिशाको लागि एउटा लेन र विपरीत दिशाको लागि अर्को लेन प्रयोग गर्ने नियम कडाइका साथ लगाउनुपर्छ। सडकका लाइनहरुलाई पुन: रङ लगाउने हो भने कार, मोटरसाइकल र बसका चालकहरुले सुरक्षित भएर सवारी चलाउन सक्नेछन् र एक अर्कालाई ठक्कर दिने छैनन् भन्ने कुरा तपाईंले बुझ्नु भएकै होला।

सडकका विभिन्न ठाउँमा थप ट्राफिक बत्ति र संकेतहरु राख्नु जरुरी छ। ट्राफिक बत्ति भएमा एकातिरको गाडी गुड्ने र अर्कोतिरको रोक्किने हुन्छ। र, धेरै संकेतहरु भएमा चालकलाई पैदलयात्रीले बाटो काट्दै गरेको वा ठिक अगाडि गतिरोधक (स्पिड बम्प) रहेको थाहा हुन्छ। यसले दुर्घटना कम गराउन मद्दत पुग्नेछ।

अन्त्यमा, मैले दिएका सुझावलाई मनन गर्नुहुनेछ र आवश्यक कदम चाल्नुहुनेछ भन्ने अपेक्षा गरेकी छु। तपाईंको कार्यकाल पूर्ण सफलताको कामना गर्दछु।

क्याम्ब्रिज पार्क पब्लिक स्कुल, ग्रेड थ्री
६६-६८ भिक्टोरिया स्ट्रिट किङ्सउड एनएसडब्लु, सिड्नी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।