काठमाडौं- बलात्कार मुद्दामा तनहुँ र नवलपुर दुवै अदालतबाट सफाइ पाए पनि कलाकार पूर्णविक्रम शाह (पल शाह) थुनामै बस्नुपर्ने भएको छ।
मंगलबार तनहुँ र यसअघि नवलपुर अदालतले उनलाई सफाइ दिएको थियो। बलात्कार मुद्दामा सफाइ दिए पनि नवलपुर अदालतले पललाई बाल यौन दुरुपयोगको कसूरमा दोषी ठहर गरेको थियो।
बाल यौन दुरुपयोगमा दोषी ठहर गर्दै पललाई साढे २ वर्ष कैद र पीडितलाई १० लाख क्षतिपूर्ति उपलब्ध गराउनु पर्ने फैसला गरेको थियो। जसकारण पल अझै डेढ वर्षभन्दा बढी कैद बस्नु पर्ने हुन्छ।
पीडित भनिएकी किशोरीले नै अदालतमा बयान फेरेपछि यसअघि नवलपुर जिल्ला अदालतले बलात्कार मुद्दामा शाहलाई सफाइ दिएको थियो।
पीडित होस्टाइल भएपछि नवलपुर अदालतले पललाई करणीको मुद्दामा सफाइ दिएको थियो भने बाल यौन दुरुपायोगको मुद्दामा दोषी ठहर गरी सजाय सुनाइएको थियो। नवलपुर जिल्ला अदालतले भदौ २१ गते फैसला गरेको थियो।
पलविरुद्ध ११ फागुन २०७८ मा जिल्ला प्रहरी कार्यालय तनहुँमा बलात्कारको जाहेरी परेको थियो। फागुन १५ गते आफैं प्रहरी कार्यालय पुगेपछि उनी थुनामा पुगेका थिए।
पीडित किशोरीले आफूमाथि पलले नवलपुरको गैँडाकोटस्थित होटलमा पनि बलात्कार गरेको भनेपछि नवलपुरमा पनि उनीमाथि अनुसन्धान अगाडि बढाइएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
