डा दलिपकुमार मल्लका ‘रुइसे दरबार’ र ‘सेतो धर्तीमा सप्तरंगी फूल’ विमोचन

साहित्य डबली

नेपाल लाइभ आइतबार, पुस १७, २०७९ ०९:५६

काठमाडौं– लेखक, साहित्यकार एवं समाजशास्त्री डा दलिपकुमार मल्लका दुईवटा कीर्ति ‘रुईसे दरबार’ र ‘सेतो धर्तीमा सप्तरंगी फूल’को विमोचन भएका छन्।

शनिबार एक औपचारिक कार्यक्रमकाबीच डा. मल्लका दुईवटै कीर्ति काठमाडौंमा कांग्रेस नेता डा आरजु राणा देउवाले विमोचन गरेकी हुन्।

प्रकाशित दुवै पुस्तकमध्ये ‘सेतो धर्तीमा सप्तरंगी फूल’ द्वन्द्वले पारेको सामाजिक मनोवैज्ञानिक कथा संग्रह हो। यसले दशवर्षे जनआन्दोलनको कथा र त्यसमा भएको सामाजिक पीडाहरुको यथार्थ चित्रण गरिएको छ।

सेतो धर्तीमा सप्तरंगी फूल नामक कथा संग्रहको समीक्षक सुमन वर्षाले समीक्षा गरेकी थिइन्। ४४ वटा कथाहरु समेटिएको उक्त कथा संग्रहमा द्वन्द्व र यद्धकालका समकालीन समयलाई प्रतिबिम्वित गरेको वर्षाले बताइन्

उनले भनिन्, ‘यो कथा संग्रहमा द्वन्द्वकालमा घटेका घटनाहरुको यथार्त चित्रण गरिएको छ। युद्धकालका सत्य घटनाहरुको चित्रण गर्दै युद्धका पीडितहरुले सामाजिक र मनोवैज्ञानिक रुपमा भोग्नु परेको पीडाहरुको पर्दाफास गरिएको छ।’

त्यस्तै ‘रुइसे दरबार’ एक ऐतिहासिक सामाजिक विषयवस्तुहरु समेटिएको उपन्यासका रुपमा रहेको दाबी गरिएको छ। रुइसे दरबार उपन्यास मार्फत् म्याग्दी राखूमा रहेको ओझेलमा परेको इतिहास र त्यसको गरिमालाई उठान गरिएको छ। यो उपन्यासले १४ औं शताब्दीको एक सामाजिक कथाको चित्रण गरेको छ।

रुइसे दरबारमाथि समीक्षा गर्दै समालोचक, साहित्यकार एवंम समीक्षक राजकुमार बानियाँले बाइसे, चौबिसे राज्यहरुको कुरा उपन्यासमा समेटिएको बताए। उनले भने, ‘यो उपन्यासमा सति प्रथा, पर्वत राज्यको विस्तारबारे वर्णन गरिएको छ। यो ऐतिहासिक अनुसन्धात्मक दस्तावेज हो। उपन्यासमा तथ्यगत विषयवस्तु समेटेर साहित्यमार्फत् बाहिर ल्याउन खोजिएको छ।’

पुस्तकबारे लेखक डा मल्लले आफ्नो विद्यावारिधिका क्रममा सन् २०२२ मा दुईवटै कीर्ति तयार पारिएको बताए। उनले द्वन्द्व व्यवस्थापनका पाटोलाईसमेत आफ्नो अनुसन्धात्मक (रिसर्च पेपर)मा राखिएको दाबी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीपी राजमार्गमा भोलिदेखि रुटका सवारी साधन चलाइने

ड्रोन उडानको बढ्दो विवादमा गोली हान्न तयार रहन उत्तर कोरियाले दियो आदेश , ‘पूर्ण रूपमा तयार’रहेको सेनाको भनाई

भारतको विश्वकप यात्रा कठिन मोडमा