काठमाडौं– आइतबार राति भएको फाइनलमा फ्रान्सलाई टाइब्रेकरमा पराजित गर्दै अर्जेन्टिना विश्वकप फुटबलको नयाँ विजेता बनेको छ।
अर्जेन्टिनालाई ३६ वर्षपछि विश्वविजेता बनाउन कप्तान लियोनल मेसीले उत्कृष्ट प्रदर्शन गरेका थिए।
यसर्थ, विजेता टोली अर्जेन्टिनाका कप्तान लियोनल मेसी प्रतियोगिताका सर्वोत्कृष्ट घोषित खेलाडी भएका छन्। उनले गोल्डेन बल हात पारे।
मेसीले फाइनलमा दुई गोल गर्नुका साथै प्रतियोगिताभर जम्मा सात गोल तथा दुई असिस्ट गरेका छन्। उनी फाइनलमा समेत प्लेयर अफ दी म्याच भए।
साथै, पराजित टोलीका केलियन एम्बाप्पे सर्वाधिक गोलकर्ता भए। उनले ८ गोल उनले गोल्डेन बुट प्राप्त गरे।
एम्बाप्पेले सिल्भर बलसमेत प्राप्त गरे। तेस्रो स्थान हासिल गरेको क्रोेएसियाका कप्तान लुका माड्रिचले ब्रन्ज बल पाए।
यस्तै, विजेता टोली अर्जेन्टिनाका गोलकिपर एमिलियानो मार्टिनेज प्रतियोगिताको सर्वोत्कृत गोलकिपर घोषित भए। उनले गोल्डेन ग्लोब पाए।
मार्टिनेजले फाइनलको सुटआउटमा एउटा पेनाल्टी छेकेका थिए। साथै, उनले नेदरल्याण्ड्सविरुद्धको क्वार्टरफाइनलमा पनि उनले दुई पेनाल्टी छेकेका थिए।
यसैगरी, अर्जेन्टिनाकै २१ वर्षीय इन्जो फर्नान्डेज सर्वोत्कृष्ट युवा खेलाडी घोषित भए।
सिल्भर बुटको पुरस्कार सात गोल गरेका मेसीले पाए। यस्तै, ब्रन्ज बुट उपविजेता फ्रान्सका चार गोल गरेका ओलिभियर जिरुडले जिते। अर्जेन्टिनाका जुलियन अल्भारेजको पनि समान चार गोल गरेका थिए। तर, थोरै समय मैदानमा बिताएको आधारमा जिरुडले पुरस्कार पाएका हुन्।
फिफा फेयर प्लेको अवार्ड इंग्ल्याण्डले प्राप्त गर्यो। अनुशासित टोलीको रूपमा उसले यो पुरस्कार पाएको हो।
इंग्ल्याण्डले कम कार्ड खाएका आधारमा यो पुरस्कार पाउन सफल भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
