तोलामा ६०० रुपैयाँले घट्यो सुनको मूल्य, चाँदीको मूल्यमा पनि गिरावट

अर्थ समाचार

नेपाल लाइभ मंगलबार, मंसिर २०, २०७९ १२:०८

काठमाडौं– लगातार बढेर प्रतितोला १ लाख रुपैयाँ नजिक पुगेको सुनको मूल्य आज (मंगलबार) भने घटेको छ। नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा ६०० रुपैयाँले घटेको छ।

मंगलबार छापावाल सुनको मूल्य प्रतितोला ९९ हजार ३०० रुपैयाँ कायम भएको छ। यस्तै, तेजाबी सुनको मूल्य प्रतितोला ९८ हजार ८०० रुपैयाँ कायम भएको छ।

यसअघि सोमबार सुनको मूल्य तोलामा ४०० रुपैयाँ बढेको थियो। सोमबार छापावाल सुन प्रतितोला ९९ हजार ९०० रुपैयाँ र तेजाबी सुन प्रतितोला ९९ हजार ४०० रुपैयाँमा किनबेच भएको थियो।

मंगलबार चाँदीको मूल्यमा पनि गिरावट आएको छ। चाँदीको मूल्य तोलामा ३५ रुपैयाँ घटेर प्रतितोला १ हजार ३५० रुपैयाँ कायम भएको छ। यसअघि सोमबार चाँदीको मूल्य बढेर प्रतितोला १ हजार ३८५ रुपैयाँ पुगेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भाषाविद् चूडामणि गौतमको निधन

बागलुङमा जीप दुर्घटना हुँदा २ जनाको मृत्यु

यस्तो छ आजका लागि निर्धारित विदेशी मुद्राको विनिमयदर