समानुपातिक मत परिणाम : राष्ट्रिय पार्टी बन्न समाजवादीको संघर्ष जारी

राजनीति

नेपाल लाइभ शुक्रबार, मंसिर १६, २०७९ ०७:०२

काठमाडौं- प्रतिनिधि सभा निर्वाचनको अन्तिम मत परिणाम आउनै लाग्दा समानुपातिकतर्फ नेकपा एमालेले अग्रता कायमै राखेको छ। शुक्रबार बिहानसम्मको मत परिणाम अनुसार एमालेले २७ लाख ७२ हजार ९ सय ८५ मत प्राप्त गरेको छ।

यस्तैगरी नेपाली कांग्रेसले २६ लाख ४३ हजार २ सय ९६ मत ल्याउँदै एमालेको पछिपछि छ भने ११ लाख ६१ हजार १ सय ७३ मतसहित माओवादी केन्द्र तेस्रो स्थानमा छ।

राष्ट्रिय स्वतन्त्र पार्टीले ११ लाख १९ हजार ४ सय १६ मत ल्याएर चौथो स्थान कायम राख्दा नेकपा एकीकृत समाजवादी भने अहिले पनि राष्ट्रिय पार्टी बन्न संघर्षरत छ। समाजवादीले २ लाख ९४ हजार १८ मत ल्याएको छ।

राष्ट्रिय पार्टी हुनका लागि सदर मतको ३ प्रतिशत कटाउनुपर्ने हुन्छ।

अहिलेसम्मको मत परिणाम अनुसार राष्ट्रिय प्रजातन्त्र पार्टीले ५ लाख ८५ हजार ८ सय ८७, जनता समाजवादी पार्टी, नेपालले ४ लाख २० हजार ९ सय २८, जनमत पार्टीले ३ लाख ९४ हजार ३ सय ४० मत प्राप्त गरेको निर्वाचन आयोगले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले संविधान र संसद्‌लाई उपेक्षा गरेर सत्ताको दुरुपयोग गरिरहेको छ : माधव नेपाल

समाजवादी मोर्चाले माघ १६ गते काठमाडौंमा आमसभा गर्ने

रविको थुनछेक बहस सकियो, आजै आदेश आउने