काठमाडौं- पाँचथरको सुखबोध माध्यमिक विद्यालयमा रहेको मतदानस्थलनजिकै विस्फोट भएको छ।
मतदान सुरु भएको २ घण्टापछि मतदान केन्द्रदेखि ५० मिटर नजिकै विस्फोट भएको जिल्ला प्रहरी कार्यालयले जनाएको छ।
विस्फोटसँगै केही छर्रा मतदान केन्द्रसम्म आइपुगेका थिए। कुनै मानवीय क्षति नभए पनि करिब ५ मिनेट मतदान प्रक्रिया अवरुद्ध भएको हो।
विस्फोटको खबर आएलगत्तै सदरमुकामबाट सुरक्षाकर्मीको थप टोली परिचालन गरिएको जिल्ला प्रहरी कार्यालय पाँचथरले जनाएको छ।
विस्फोट भएको वस्तुबारे भने अझै खुलिसकेको छैन। यो मतदानस्थलमा तीन केन्द्र छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
