तोलामा ४०० रुपैयाँले घट्यो सुनको मूल्य, चाँदीको मूल्यमा पनि गिरावट

अर्थ समाचार

नेपाल लाइभ सोमबार, साउन १६, २०७९ ११:१३

काठमाडौं– साप्ताहिक कारोबारको दोस्रो दिन आज (सोमबार) नेपाली बजारमा पहेँलो धातु (सुन)को मूल्य घटेको छ। नेपाल सुनचाँदी व्यवसायी महासंघका अनुसार सोमबार सुनको मूल्य तोलामा ४०० रुपैयाँले घटेको हो।

तोलामा ४०० रुपैयाँले घटेपछि सोमबार नेपाली बजारमा छापावाल सुनको मूल्य प्रतितोला ९५ हजार ४०० रुपैयाँ कायम भएको छ। यस्तै, तेजाबी सुनको मूल्य ९४ हजार ९०० कायम भएको छ।

साप्ताहिक कारोबारको पहिलो दिन (आइतबार) भने सुनको मूल्य तोलामा २०० रुपैयाँले बढेको थियो। आइतबार छापावाल सुन प्रतितोला ९५ हजार ८०० र तेजाबी सुन ९५ हजार ३०० रुपैयाँ प्रतितोलामा कारोबार भएको थियो।

सोमबार चाँदीको मूल्य पनि तोलामा १० रुपैयाँले घटेर प्रतितोला १ हजार २३० रुपैयाँ घटेको छ। आइतबार भने तोलामा १० रुपैयाँ बढेर चाँदी प्रतितोला १ हजार २३० रुपैयाँमा कारोबार भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारविरोधी आन्दोलनको कार्ययोजना बनाउन नेकपा एसले बनायो कार्यदल

परराष्ट्रमन्त्री राणाले भेटिन् राष्ट्रसंघीय मानवअधिकार उच्च आयुक्त भल्कर टुर्कलाई

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल