काठमाडौं- भारतमा मन्दिर गइरहेका व्यक्ति सवार भ्यानमा बिजुली सर्ट हुँदा कम्तिमा १० जनाको मृत्यु भएको छ।
भारतको उत्तर बंगालस्थित कुचबिहार जिल्लाबाट जल चढाउनका लागि जलपाइगुडी जिल्लाको जल्पेश मन्दिर गइरहेका कावडि समूदायका मानिसहरु सवार भ्यानमा बिजुली सर्ट हुँदा ज्यान गएको जनाइएको छ। घटनामा १६ जना घाइते भएका छन्। घाइतेलाई जलपाइगुडीको सुपर स्पेशलिटी अस्पतालमा भर्ना गरिएको छ।
प्रहरीले पिकअप भ्यानमा डीजे बजाउनका लागि जडान गरिएको जेनेरेटरमा बिजुली सर्ट हुँदा दुर्घटना भएको अनुमान गरेको जनाएको छ।
भ्यानका चालक भने फरार रहेको र उनको खोजी भइरहेको प्रहरीले जनाएको छ। प्रहरीका अनुसार भ्यानमा २७ जना सवार थिए।
भ्यानमा रहेका यात्रु बेहोस देखेपछि चालकले नै उनीहरुलाई अस्पताल लगेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
