साताको दोस्रो कारोबार दिन पनि नेप्सेमा गिरावट

बैंक/बिमा/सेयर

नेपाल लाइभ सोमबार, चैत २१, २०७८ १७:०५

काठमाडौं– साताको दोस्रो कारोबार दिन सोमबार पनि नेप्से परिसूचकमा गिरावट आएको छ।

सोमबार नेप्से परिसूचक १५.९४ अंक घटेर २ हजार ४९७.४७ विन्दुमा झरेको छ। सेन्सेटिभ इन्डेक्स २.४७ अंक घटेको छ भने फ्लोट इन्डेक्स १.०४ अंक र सेन्सेटिभ फ्लोट इन्डेक्स ०.६८ अंकले गिरावट आएको छ।

सोमबार कारोबारमा आएको २२६ कम्पनीको ३४ लाख २९ हजार कित्ता सेयर १ अर्ब ५८ करोड ४६ लाख ७१ हजार रुपैयाँ बराबरको खरिदबिक्री भएको छ।

आइतबारको तुलनामा सोमबारको कारोबार रकम बृद्धि भएको छ। आइतबार १ अर्ब ४६ करोडको सेयर कारोबार भएको थियो।

सोमबार नेप्सेका १३ वटै उपसमूहको परिसूचक ओरालो लागेको छ। निर्जीवन बीमा, अन्य र व्यापार उपसमूहको परिसूचक १ प्रतिशतभन्दा बढी घटेको छ भने बाँकी अन्य उपसमूहको सेयर मूल्य १.०४ प्रतिशत भन्दा बढीले गिरावट आएको छ।

नेप्से परिसूचकमा गिरावट आए पनि २ कम्पनीको सेयर सकारात्मक सर्किट लेभलमा कारोबार भएको छ। जसमा राष्ट्र उत्थान लघुवित्त र नेष्डो समृद्ध लघुवित्तको सेयरमूल्य १० प्रतिशत बढेर कारोबार भएको छ।

त्यस्तै, इमर्जिङ्ग नेपालको सेयरमूल्य ९.१२ प्रतिशत बढेको छ। कर्णाली डेभलपमेन्ट बैंक र प्रभु इन्स्योरेन्सको सेयरमूल्य ४ प्रतिशतभन्दा बढीले गिरावट आएको छ।

कारोबार रकमका आधारमा ६ करोड ३९ लाख १५ हजार रुपैयाँ बराबरको सेयर कारोबार गरेर इमर्जिङ्ग नेपाल शीर्ष स्थानमा रहेको छ। नबिल बैंकको साढे ५ करोडभन्दा बढीको सेयर कारोबार भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान