२३.९५ अंकले घट्यो सेयर बजार, ३ कम्पनीको मूल्य १० प्रतिशतले बढ्यो

बैंक/बिमा/सेयर

नेपाल लाइभ बिहीबार, चैत १७, २०७८ १५:३९

काठमाडौं– साप्ताहिक कारोबारको अन्तिम दिन आज (बिहीबार) सेयर बजार दोहोरो अंकले ओरालो लागेको छ। बिहीबार सेयर बजार परिसूचक (नेप्से) २३.९५ अंकले घटेर २५४४.३० विन्दुमा पुगेको छ।

यस्तै, ठूला कम्पनीहरुको कारोबार मापन गर्ने सेन्सिटिभ इन्डेक्स पनि ४.६० अंकले घटेर ४७५.४७ विन्दुमा पुगेको छ।

बिहीबार व्यापार बाहेक सेयर बजारका सबै समूहको उपसूचक ओरालो लाग्यो। सबैभन्दा धेरै फाइनान्स समूहको उपसूचक २.७६ प्रतिशतले ओरालो लाग्यो। व्यापार समूहको उपसूचक भने ०.७१ प्रतिशतले बढ्यो।

बिहीबार इमर्जिङ नेपाल, राष्ट्रउत्थान लघुवित्त र नेस्डो लघुवित्तको मूल्य १० प्रतिशत बढ्यो । नारायणी डेभलपमेन्ट र युनाइटेड मोदीको मूल्य साढे ४ प्रतिशत बढी घट्यो। कारोबार रकमका आधारमा इमर्जिङ नेपाल, एभरेष्ट इन्स्योरेन्स, नागरिक लगानी कोष, नबिल बैंक र युनियन लाइफ क्रमश: सबैभन्दा अगाडि रहे।

बिहीबार समग्र बजारमा १ अर्ब ८९ करोड १ लाख ६४ हजार रुपैयाँको कारोबार भयो। बिहीबार कूल ३७ हजार ४२९ करोबार हुँदा ३७ लाख ८७ हजार ४५ कित्ता सेयर किनबेच भयो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान