काठमाडौं- नेकपा एमालेको स्थायी कमिटी बैठकले भारतले दार्चुलाको महाकाली नदीको धार नै परिवर्तन गर्नेगरी बनाइएको संरचना रोक्न सरकारको ध्यानाकर्षण गर्ने निर्णय गरेको छ। सरकारले थाहा पाएर पनि मौनता साँधेको भन्दै खेद प्रकट गरेको छ।
'महाकालीमा नदीमा धार नै परिवर्तन गर्नेगरी भारतीयले बनाइरहेको संरचनाप्रति हाम्रो पार्टीको ध्यानाकर्षण भएको छ। नेपालको भूमि र राष्ट्रियता रक्षासँग जोडिएको यति संवेदनशील विषयमा सरकारको मौनता खेदजनक छ', एमालेले भनेको छ।
यसैगरी, आगामी निर्वाचनका लागि बनाइँदै गरेको घोषणा पत्र र प्रतिबद्धता पत्रमा 'इनपुट' दिन चाहनेहरुका लागि सार्वजनिक आह्वान गरिएको छ। स्थायी कमिटी सदस्यहरुले आफूलाई लागेका कुरा चैत २० भित्र पार्टीमा प्रस्तुत गर्नुपर्नेछ। [email protected] मा सुझाव पठाउन आह्वान गरिएको छ।
यसैगरी, सरकार महंगी नियन्त्रमा असफल भएको एमालेको ठहर छ। प्रभावकारी अनुगमन गरी राहत दिन उदासित देखिएको भन्दै ध्यानाकर्षण गराउने निर्णय गरेको छ।
भारतलाई विद्युत ४ रुपैयाँमा बेच्ने र नेपालमा ३८ रुपैयाँ प्रतियुनिट खरिद गर्न बाध्य पारिएको भन्दै एमालेले यो निर्णयको पनि विरोध गरेको छ। यसले गैरजिम्मेवार र दीर्घकालीन असर पर्ने भन्दै रोक्न सरकारसँग माग गरिएको छ।
यसैगरी, निर्वाचनलाई निष्पक्ष र धाँधलीरहित बनाउने निर्वाचन आयोगको संवैधानिक दायित्व भएपनि निश्चित पार्टीलाई लक्षित गरी मनपत्रको रङ परिवर्न गर्ने र कार्यतालिका बनाउने निर्णय गरिएको भन्दै त्यसको विरोध गरिएको छ।
भनिएको छ, 'मिति घोषणा भएको र निर्वाचनतालिका समेत प्रकाशित भइसकेको अवस्थामा भएको यस्तो निर्णयप्रति हाम्रो पार्टीको गम्भीर ध्यानाकर्षण भएको छ। राजनीतिक दलसँग परामर्श नगरी मत पत्रको रंग परिवर्तन गर्ने र मनोनयनका लागि दुई दिनको समय दिने निर्णय अनुचित छ। सच्याउन माग गरिन्छ।'
यसैगरी, निर्वाचनलाई प्रभावित पार्ने गरी सरकारले कर्मचारी प्रशासनमा सरुवाबढुवा गरिरहेको र कानुन र नियमावली परिवर्तन गरिरहेको भन्दै त्यसलाई रोक्न माग गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
