प्रतिकात्मक तस्बिर
काठमाडौं– ड्यूटी सकेर राति घर फर्किने क्रममा मोटरसाइकल दुर्घटनामा परेर ललितपुरमा १ जना प्रहरी कर्मचारीको मृत्यु भएको छ। दुर्घटनामा अर्का एक व्यक्ति घाइते भएका छन्।
दुर्घटनामा परेर मृत्यु हुनेमा धादिङ घर भइ महानगरीय प्रहरी वृत्त सातदोबाटो (ललितपुर)मा कार्यरत प्रहरी जवान ३१ वर्षीय नविन न्यौपाने छन्। दुर्घटनामा प्रहरी वृत्त सातदोबाटोमा नै कार्यरत रहेका तनहुँका सुमन सिंह घाइते भएका छन्।
महानगरीय प्रहरी परिसर ललितपुरका प्रहरी उपरीक्षक सिद्धिविक्रम शाहका अनुसार घाइते सिंहको स्टार अस्पतालमा उपचार भइरहेको छ।
शनिबार राति डिउटी सकेर ललितपुर महानगरपालिका–२ बल्खुबाट सातदोबाटो जाने क्रममा न्यौपानेले चलाएको बा ८३ प ८९९५ नम्बर मोटरसाइकल अनियन्त्रित भई पोलमा ठोक्किएर दुर्घटना भएको थियो। न्यौपानेको राति २:३० बजे मृत्यु भएको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
