काठमाडौं– आसन्न स्थानीय तहको निर्वाचनलागयत विषयमा छलफल गर्न शुक्रबारदेखि जारी नेपाली कांग्रेसको केन्द्रीय कार्यसमिति बैठक आज पनि बस्दैछ। बैठक बिहान ११ पार्टी कार्यालय सानेपामा बस्दै छ।
यसअघि शुक्रबारको बैठकमा प्रदेश सभापतिहरु उद्धव थापा (प्रदेश १), कृष्णप्रसाद यादव (मधेश), इन्द्रबहादुर वानियाँ (बागमती), शुक्रराज शर्मा (गण्डकी), अमरसिंह पुन (लुम्बिनी) र ललितजंग शाही (कर्णाली)ले आ–आफ्नो धारणा व्यक्त गरेका थिए।
त्यसैगरी, केन्द्रीय सदस्यहरु कृष्णचन्द्र नेपाली पोखरेल, प्रदीप पौडेल, मोहनबहादुर बस्नेत, कर्णबहादुर बुढा, रमा कोइराला (पौडेल), कृष्णकिशोर घिमिरे, टेकप्रसाद गुरुङ, नैनसिंह महर, गोविन्दबहादुर शाह, दिलमान पाख्रिन, रामहरि खतिवडा, मुक्ताकुमारी यादव, सरस्वती अर्याल तिवारी, हरिशरण नेपाली, जानकी सिंह, प्रा.डा. गोविन्दराज पोखरेल, अजयवावु शिवाकोटी, मदनकृष्ण श्रेष्ठ, दिनेश कोइराला, सीताकुमारी राना, शान्ति परियारले पनि आफ्नो धारणा राखेका थिए।
आज बाँकी केन्द्रीय सदस्यले आफ्नो धारणा राख्ने र स्थानीयहतको निर्वाचनका विषयमा छलफल हुने बताइएको छ।
बैठकमा स्थानीय चुनाव केन्द्रित घरदैलो अभियानको प्रारम्भिक समीक्षासमेत हुनेछ। कांग्रेसले फागुन २९ देखि चैत २९ सम्म पहिलो चरणको घरदैलो अभियान गरिररहेको छ।
यस्तै बैठकमा कांग्रेस विधानअनुसार केन्द्र, प्रदेश, जिल्ला र प्रतिनिधि सभा क्षेत्रमा संसदीय समिति तथा केन्द्रीय संसदीय समिति गठनका विषयमा समेत छलफल हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769517261.png)
-1764146706.png)
