प्रतीकात्मक तस्बिर
काठमाडौं– मेलम्ची खानेपानी आयोजनाको मुहानमाथि सूचना यन्त्र जडान गर्ने तयारी थालिएको छ। माथिल्लो भेगमा ठूलो मात्रामा पानी परे बाढी आउन सक्ने जोखिम कायम रहेकाले सूचना दिने यन्त्र जडान गर्ने तयारी भइरहेको मेलम्ची खानेपानी विकास समितिका सूचना अधिकारी राजेन्द्रप्रसाद पन्तले बताए।
संरचना निर्माणस्थलमाथि वर्षा मापन यन्त्र, नदीको बहाव मापन यन्त्र जडान गरिने उनले बताए। यही हप्ताभित्र यन्त्र जडान गरेर सञ्चालनमा ल्याइने उनको भनाइ छ। ‘माथिल्लो क्षेत्रमा ठूलो मात्रामा वर्ष भए सम्भावित जोखिमलाई न्यूनीकरण गर्न मापन केन्द्रहरु स्थापना गर्न लागिएको हो,’ पन्तले भने।
अग्रिम रुपमा सूचना प्राप्त हुँदा बाढी आइहाले खानेपानी आयोजनाको ढोकाहरु बन्द गर्न सके जोखिम धेरै नहुने र तल्लो भेगमा बसोबास गर्ने मानिसलाई अन्यत्र जान सजिलो हुने उनले बताए।
संरचना निर्माण भइरहेको स्थानको माथि ठूलो वर्षा भए फेरि बाढी आएर संरचनामा क्षति र बस्तीलाई पनि क्षति गर्न सक्ने भएकाले अग्रिम सूचना प्राप्त होस् भनेर मौसम पूर्वानुमान विभागसँग समन्वय गरेर मापन केन्द्रहरुको स्थापना गर्न लाागिएको उनले जानकारी दिए।
मौसम विभागसँग समन्वय गरेर केन्द्रहरुबाट प्राप्त तथ्याङ्कको आधारमा त्यस क्षेत्रको अवस्थाबारे निरन्तर सूचना प्रवाह गर्ने काम गरिने पन्तको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
