काठमाडौं- युक्रेनको रक्षा मन्त्रालयले रुसविरुद्ध लड्नका लागि नयाँ गठन गरिएको अप्रशिक्षित मानिसहरूको दस्तालाई लडाइँको अग्रमोर्चामा नपठाइने स्पष्ट पारेको छ।
रुसी फौजसँग लड्न अस्त्र उठाइरहेका नागरिकहरूको समूह युक्रेनमा गठन गरिएको छ।
‘त्यसको अर्थ छैन। हाम्रो सेनाले धेरै शत्रुलाई रोक्छ,’ रक्षामन्त्री एलेक्सी रेज्निकोले भिडिओ सम्बोधनमा भनेका छन्।
भर्ती भएका गैरसनिकले आफूहरू रहेको स्थानबारे सेनालाई जानकारी गराइरहन र स्थानीय भर्ती केन्द्रसँग सम्पर्कमा रहन उनले आग्रह गरेका छन्।
रुसले युक्रेनमाथि आक्रमण गरेपछि भूमिरक्षा एकाइमा एक लाख जति युक्रेनीहरू भर्ती भइसकेका छन्।
रक्षामन्त्रीका अनुसार लडाइँमा सहभागी हुन भन्दै दुई लाखभन्दा बढी युक्रेनीहरू स्वदेश फर्किसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
