एक सातामै वाणिज्य बैंकहरूले ११ अर्ब रुपैयाँ निक्षेप संकलन गरे

अर्थ समाचार

नेपाल लाइभ सोमबार, फागुन २३, २०७८ १८:३८

काठमाडौं– चालु आर्थिक वर्ष लागेयता सुस्ताएको वाणिज्य बैंकहरुको निक्षेप संकलनको पछिल्लो तीन हप्ता यता बढ्न थालेको छ। फागुनको तेस्रो सातासम्म आउँदा वाणिज्य बैंकहरुले ११ अर्ब रुपैयाँ निक्षेप संकलन गर्न सफल भएका छन्।

माघ मसान्तसम्म ४३ खर्ब ११ अर्ब रुपैयाँ रहेको निक्षेप फागुनको पहिलो र दोस्रो साता वाणिज्य बैंकहरुले १ अर्ब रुपैयाँले थप गर्न सफल भएका थिए।

यसैगरी, गत फागुन १३ गतेसम्म ४३ खर्ब १३ अर्ब रुपैयाँ मौज्दात रहेको वाणिज्य बैंकहरुको कुल निक्षेप फागुन २० गतेसम्म आइपुग्दा ४३ खर्ब २४ अर्ब रुपैयाँ पुगेको नेपाल बैंकर्स संघले जानकारी दिएको छ।

माघ मसान्तसम्म वाणिज्य बैंकहरुले कूल ४१ खर्ब ५९ अर्ब रुपैयाँ कर्जा प्रवाह गरेका थिए। जुन फागुनको दोस्रो साता ६ खर्ब रुपैयाँले थप भएको थियो।

यसैगरी, फागुनको तेस्रो साता भने वाणिज्य बैंकहरुले ५ खर्ब रुपैयाँले मात्र थप कर्जा प्रवाह गरेका छन्। फागुन २० गतेसम्म वाणिज्य बैंकहरुले कूल ४१ खर्ब ७० अर्ब रुपैयाँ कर्जा प्रवाह गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधान सेनापतिद्वारा दर्ज्यानी चिन्ह प्रदान

कार्यसम्पादनमा कुलमान घिसिङलाई सरकारले दियो शून्य अंक

खानेपानीमन्त्री यादव र भारतिय जलशक्तिमन्त्री पाटीलद्वारा वासक्षेत्रको विकास सम्बन्धी समझदारीपत्रमा हस्ताक्षर