काठमाडौं– सांसदहरुले मूल्यवृद्धिप्रति सरकारको गम्भीर ध्यानाकर्षण गराएका छन्।
आइतबार बसेको प्रतिनिधिसभा बैठकको शून्य समयमा बोल्दै सांसदहरुले दैनिक उपभोग्य वस्तुको कृत्रिम अभाव गराइएको र त्यसले मूल्यवृद्धि आकासिएको भन्दै सरकारको ध्यानाकर्षण गराएका हुन्।
सांसद अमृता थापाले बजार अनुगमन गरी मूल्यवृद्धि नियन्त्रण गर्न माग गरिन्। उनले भू–उपयोग नीति बनाउनुपर्नेमा पनि जोड दिइन्।
सांसद खगराज अधिकारीले कृत्रिम अभावका कारण सिर्जना भएको महँगीले गिज्याइरहेको भन्दै तत्काल अनुगमन गरी मूल्यवृद्धि नियन्त्रण गर्न माग गरे। उनले आमाको नामबाट नागरिकता दिने व्यवस्था तुरुन्तै मिलाउन समेत माग गरे।
सांसद आशाकुमारी विकले संविधानमा उल्लेख भएको दलित हकबारे कानुन बनाउने कामको प्रगतिबारे गृहमन्त्रीसँग जानकारी माग गरिन्।
यस्तै, सांसद कृष्णकुमार श्रेष्ठ आयोग गठन गरेर सुकुम्बासी समस्या समाधान गर्न माग गरे।
सांसद कृष्णभक्त पोखरेलले संविधानले गरेको व्यवस्था अनुसार आमाको नाममा नागरिकता दिने व्यवस्था मिलाउन सरकारको ध्यानाकर्षण गराए। सांसद खेमप्रसाद लोहनीले धादिङका बाढी र पहिरो पीडितलाई तत्काल राहतको व्यवस्था मिलाउन माग गरे।
सांसद गगन थापाले डाक्टर गोविन्द केसीलाई शान्तिपूर्ण प्रदर्शन गर्न रोक लगाइएको उदाहरण दिँदै सरकार अराजकता उन्मुख भएको टिप्पणी गरे।
सांसद गणेशसिंह ठगुन्नाले दार्चुला जिल्लामा रहेको विमानस्थल लामो समयदेखि बन्द रहेको भन्दै आगामी आर्थिक वर्षमा सञ्चालनमा आउँछ कि आउँदैन भनेर प्रश्न गरे।
सांसद घनश्याम खतिवडाले मनसुन सुरु भएसँगै नदी कटानको त्रास जनतामा देखिएको भन्दै तत्काल व्यवस्था गर्न सरकारको ध्यानाकर्षण गराए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
