काठमाडौं- नेकपा एमालेको अन्तिम मतपरिणाममा भीम रावल पराजित भएका छन्। एमालेको १० औं महाधिवेशन अन्तर्गत मंसिर १४ गते बिहान भएको मतदानमा रावलले ९०४ मत मात्रै पाएका थिए। तर, उनी केन्द्रीय कमिटीमा विजयी भएको हो वा होइन भन्ने अन्यौल थियो।
मत परिणाम सुनाउँदा केन्द्रीय निर्वाचन आयोगका अध्यक्ष डा विजय सुब्बाले भनेका थिए- 'भीम बहादुर रावल- ९०४ विजयी। उहाँले भर्खरै मलाई अर्थात् आयोगलाई मेरो उम्मेदवारी पार्टी अध्यक्षका लागि मात्रै थियो, केन्द्रीय कमिटीको सदस्यको लागि होइन भन्नुभएको छ। यद्यपि मैले निर्वाचन कार्यक्रम सुरु हुनुभन्दा अगाडि पुरानै प्रचलन अनुसार जजसले पार्टीको केन्द्रीय पदाधिकारीको लागि उम्मेदवारी दिनुहुन्छ, उहाँहरुको पार्टी केन्द्रीय कमिटी सदस्यको लागि पनि स्वतः उम्मेदवारी हुन्छ भनेको थिएँ। तर उहाँले अहिले त्यसो भन्नुभएको व्यहोरा यहाँ हाउसमा जानकारी गराउन चाहन्छु।'
रावलले १४ गते बिहान मतदानपछि आफ्नो उम्मेदवारी अध्यक्षको लागि मात्रै भएको प्रष्ट पारेका थिए। ‘केन्द्रीय सदस्यमा आफूलाई स्वीकार गर्दिनँ। मैले उम्मेदवारी नै दिएको छैन,’ उनले भने, ‘मैले पहिले पनि सपथ गरेको होइन। अहिले पनि गर्दिनँ। अध्यक्ष भइनँ भने केन्द्रीय सदस्य पनि बन्दिनँ।’
सोही अनुसार, केन्द्रीय कमिटी सदस्यमा विजयी भनिएको भए पनि उनले सपथ लिएनन्। अन्य सदस्य उठेर सपथ खाइरहँदा रावल भने मञ्चको एउटा सिटमा बसिरहेका थिए।
आयोगले सार्वजनिक गरेको मतपरिणाम अनुसार , रावलले पाएको मत ९०४ नै उल्लेख छ। तर, निर्वाचन परिणाममा केही लेखिएको छैन, अन्य पराजित सदस्यकोमा जस्तै खाली छाडिएको छ।
केन्द्रीय सदस्यका अन्य प्रतिस्पर्धी भने निर्वाचित भएका छन्। रावलभन्दा एक मत बढी ल्याएका टंक प्रसाद कार्की विजयी भएका छन्। उनको मतपरिणाममा पनि अन्यौल थियो। 'टंक प्रसाद कार्की- ९०५। यहाँ विजयी भनेर लेखिएको छ।', सुब्बाले ओलीतिर फर्किँदै भनेका थिए।
यस्तो छ अन्तिम निर्वाचन मतपरिणामः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
