तनहुँ- तनहुँको डुम्रे बेँसीसहर सडकखण्डमा पर्ने भानु नगरपालिका-१ भन्सारमा बसले स्कुटरलाई ठक्कर दिँदा आज अखिल क्रान्तिकारीका नेताको मृत्यु भएको छ।
गोरखाको पालुङटार नगरपालिकाको पालुङटार नगरपालिका-४ निवासी २४ वर्षीय विद्यार्थी नेता सुवर्ण देवकोटाको घटनास्थलमै मृत्यु भएको प्रहरीले जनाएको छ।
बाइसजाँगरबाट डुम्रे जाँदै गरेको ना ६ ख ९१३४ नम्बरको यात्रु बसले सोही दिशा गइरहेको बा ४५ प २३८ नम्बरको स्कुटरलाई ठक्कर दिँदा सापकोटाको मृत्यु भएको जिल्ला ट्राफिक प्रहरी कार्यालय तनहुँका प्रमुख डोलिन्द्रबहादुर हमालले जानकारी दिए।
मृतक देवकोटा अखिल क्रान्तिकारी पालुङटारको संयोजक थिए। दुर्घटनाको अनुसन्धानको लागि दुवै सवारीसाधन र बसको चालकलाई नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
