काठमाडौं– गैरआवासीय नेपाली संघमा परराष्ट्र मन्त्रालयले हस्तक्षेप गरेको छ। कुमार पन्त नेतृत्वको वर्तमान कार्यसमितिलाई भंग गरि महाधिवेशन र निर्वाचनको जिम्मेवारी संरक्षक परिषद्लाई दिइएको छ।
परराष्ट्र श्रोतका अनुसार मन्त्रालयले अध्यक्ष पन्तले नेतृत्व गरेको अन्तर्राष्ट्रिय समन्वय परिषद्को कार्यकाल गत अक्टोबर १८ मा सकिएको ठहर गरेको छ। विधानमा संघको कार्यकाल थप्ने प्रावधान नरहेकाले महाधिवेशन र चुनाव गराउन संरक्षक परिषद्लाई जिम्मा दिइएको उल्लेख छ।
विभिन्न राष्ट्रिय समन्वय परिषद् र अन्तर्राष्ट्रिय समन्वय परिषद्का ३ जना पदाधिकारीहरुले महाधिवेशन प्रतिनिधि चयन विधान विपरित अलग अलग मापदण्डमा बनाइएको भन्दै परराष्ट्र मन्त्रालयमा उजुरी दिएका थिए। त्यसबारेमा छानबिन गर्न मन्त्रालयले कानुन मन्त्रालय लगायतका अधिकारी सम्मिलित छानबिन समिति गठन गरेको थियो।
पन्तको कार्यसमितिले आगामी आउँदो १५ डिसेम्बरमा संघको चुनाव र सोही महिनाको १९ र २० मा काठमाडौंमा महाधिवेशन गराउने निर्णय सार्वजनिक गरेको थियो। महाधिवेश प्रतिनिधिमा देखिएको विवाद साम्य गरेर मात्रै निर्वाचन गर्न अध्यक्षका प्रत्यासी कुल आचार्य पक्षको माग थियो।
संरक्षक परिषद्मा पूर्वअध्यक्षहरु हुन्छन्। पन्त नेतृत्वको कार्यसमिति भंग गरेपछि विश्व सम्मेलन तथा निर्वाचन गर्ने अधिकार उक्त परिषद्को काँधमा पुगेको छ।
एनआरएनएको इतिहासमा समयमा विश्व सम्मेलन गर्न नसकि कार्यसमिति भंग भएको यो पहिलोपटक हो। परराष्ट्र मन्त्रालयको हस्तक्षेपप्रति पन्त कार्यसमितिको कुनै प्रतिक्रिया भने आइसकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771751707.png)
-1764146706.png)
