बैंकको ब्याज बढ्दा पनि बढेन निक्षेप, कर्जा लगानी भने तीन दिनमै सात अर्ब बढ्यो

बैंक/बिमा/सेयर

नेपाल लाइभ सोमबार, मंसिर ६, २०७८ १६:५५

काठमाडौं- मंसिर महिनामा बैंकहरुले ब्याजदर बढाएको भएपनि निक्षेप संकलन बढ्न सकेको छैन। यता बैंकहरुले सीडी रेसियोको सीमा नाघेर भएपनि कर्जा लगानी भने बढाएका छन्।

राष्ट्र बैंकले तोकेको सीडी रेसियो कटाएर वाणिज्य बैंकहरुले ३ दिनमै ७ अर्ब रुपैयाँ कर्जा दिएका छन्। तोकिएको ९० प्रतिशत सीडी रेसियो कटाएर मंसिरको ३ दिनमा सो कर्जा प्रवाह गरिएको हो।

नेपाल बैंकर्स संघबाट प्राप्त तथ्यांकअनुसार २७ वाणिज्य बैंकले कात्तिक ३० गतेसम्म ४० खर्ब ३४ अर्ब रुपैयाँ कर्जा प्रवाह गरेका थिए। मंसिर ३ गते आइपुग्दा ७ अर्ब रुपैयाँले बढेर ४० खर्ब ४१ अर्ब रुपैयाँ पुर्‍याएका छन्।

यो अवधिमा बैंकहरुको निक्षेप भने ७ अर्ब रुपैयाँले नै घटेको छ। कात्तिक ३० गतेसम्म ४२ खर्ब ३३ अर्ब रुपैयाँ निक्षेप मौज्दात रहेको वाणिज्य बैंकहरुमा मंसिर ३ गते ४२ खर्ब २६ रुपैयाँमा सीमित भएको छ।

निक्षेप घटेपनि कर्जा प्रवाह गर्दा सीडी रेसियो ९०.५७ प्रतिशत पुगेको राष्ट्र बैंकले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड